تفاصيل المنتج
سيرم فيتامين سي من ايفا هو سيرم لتجديد ونضارة البشرة، بيحافظ على برشتك مشدودة، وبيقلل من البقع وبيوحد لون البشرة، وبيخليها ناعمة وصحية.
الحجم: 30ml
الهدف منه: تجديد البشرة
المادة الفعالة: فيتامين ج Vitamin C
العلامة التجارية: Eva Skin Clinic - ايفا سكين كلينيك
الوظيفة: سيرم
الخامة: سائل
خصائص المنتج
معلومات المنتج:
سيرم فيتامين سي من ايفا Eva 15% Vitamin C Serum، هو سيرم بيحتوي على تركيز ١٥٪ من فيتامين سي المرطب والمجدد للبشرة.
فيتامين سي بيحافظ على نضارة بشرتك، وبيأخر من ظهور التجاعيد والخطوط الرفيعة فيها، وكمان بيحميها من الآثار الضارة لعوامل البيئة المختلفة، ومن الآثار الضارة لأشعة الشمس كذلك.
السيرم مناسب لكل أنواع البشرة، لكن يفضل قبل ما تستخدميه تعملي اختبار حساسية عشان تضمني أنه مناسب لطبيعة بشرتك.
- اغسلي بشرتك بالغسول المناسب ليها واتاكدي من نضافتها.
- استخدمي التونر المناسب على بشرتك، ووزعيه على بشرتك باستخدام قطنه نضيفه.
- وزعي السيرم على بشرتك ورقبتك، ودلكيه في صورة حركات دائرية لحد ما يمتص تمامًا.
- استخدمي بعده كريم مرطب للبشرة مناسب لنوع واحتياجات بشرتك.
معلومات طبية:
فيتامين سي Vitamin C:
فيتامين سي هو واحد من أفضل المكونات الموجودة في السوق واللي بتستخدم لزيادة نضارة البشرة، والحفاظ عليها من الشيخوخة وعلامات التقدم في السن.
على الرغم أنك بتاخد فيتامين سي من أكلك اليومي، لكن مفيش وسيلة تضمن أنه يوصل علطول لبشرتك، عشان كدا مهم تستخدميه في روتين بشرتك اليومي.
من أهم فوايد فيتامين سي للبشرة:
آمن لكل أنواع البشرة
فيتامين سي من المكونات الآمنه جداً لكل أنواع البشرة، ودا معناه أن أغلب الناس بتقدر تستخدمه لفترات طويلة من غير ما تتعرض لأي رد فعل تحسسي.
مرطب للبشرة
فيتامين سي من المكونات اللي بتحافظ على الترطيب في البشرة، عن طريق أنه بيقلل من كمية المياه المفقودة من طبقات البشرة، ودا بيسمح لبشرتك تحتفظ بالرطوبة والترطيب لفترات طويلة وبصورة أفضل.
بيقلل التصبغات
فيتامين سي من المكونات اللي بتوحد لون البشرة، وبتقلل من التصبغات بصورة ملحوظة، دا لأنه بيقلل من إنتاج الميلانين، وهو الصبغة المسؤولة عن ظهور التصبغات المختلفة في البشرة، وبالتالي بيساعد بصورة كبيرة في تفتيح البشرة، والحفاظ على مظهرها صحي.
مضاد قوي للأكسدة
فيتامين سي من المضادات القوية للأكسدة، وبالتالي هو بيقدر يهدي بشرتك، ويقلل من أي احمرار أو التهاب ممكن يحصل فيها نتيجة التعرض لعوامل البيئة المختلفة زي التلوث وأشعة الشمس الضارة وغيرها.
بيحفز إنتاج الكولاجين
الكولاجين هو بروتين طبيعي موجود في البشرة، وبتقل نسبته بمرور الوقت.
نقص مستويات الكولاجين ممكن يسبب ظهور الخطوط الرفيعة والتجاعيد في البشرة، وبيخليها تظهر بمظهر مترهل ومش صحي.
فيتامين سي بيحفز إنتاج الكولاجين الطبيعي في البشرة، لأنه هو العامل المساعد الأساسي للأنزيميْن المطلوبين لتكوين الكولاجين في البشرة.
بيمنع شيخوخة البشرة
الكولاجين بيرتبط وجوده بمرونة الجلد، وبالتالي أول ما بتبدأ مستويات الكولاجين تقل، بشرتك بتبدأ في الترهل.
استخدام سيرم موضعي بيحتوي على فيتامين سي، ليه تأثير شد على البشرة، وبيقلل من احتمالية ترهلها مع الوقت.
بيحمي البشرة من أضرار أشعة الشمس
تعرض بشرتك لأشعة الشمس من غير حماية بيسبب حاجة اسمها الإجهاد التأكسدي، ودا بيسبب شهور بشرتك بمظهر باهت ومش صحي.
فيتامين سي غني بمضادات الأكسدة اللي بتحارب الجذور الحرة، وبالتالي بيحمي بشرتك من عملية الإجهاد التأكسدي، وبيخليها دايمًا صحية ونضرة
- Aqua
- Vitamin C
ضيفي أول ريڤيو عن “Eva 15% Vitamin C Serum – سيرم فيتامين سي من ايفا”