تفاصيل المنتج
فوايد استخدام سيباكلار اكتف جل sebaclar active gel:
- جيل مخصص لعلاج الحبوب
- بيعالج الرؤوس السودا والبيضا اللي بتظهر في البشرة الدهنية أو المختلطة نتيجة لزيادة إنتاج الزيوت.
الحجم: 50ml
الهدف منه: علاج حبوب البشرة
المادة الفعالة: حمض الساليسيليك - Salicylic Acid, Zinc- زنك, Aloe Vera ext - خلاصة الصبار, BIOTIN-بيوتين
العلامة التجارية: حياة - HAYAH
الوظيفة: جيل للحبوب
الخامة: جل
خصائص المنتج
معلومات المنتج:
- سيباكلار أكتيف جيل Sebaclar Active Gel، هو جيل لعلاج الحبوب، والبثور، والرؤوس السودا والبيضا، اللي بتظهر في البشرة الدهنية أو المختلطة نتيجة لتراكم الزيوت وانسداد المسام.
- بيتميز بتركيبته القوية اللي بتحتوي على حمض الساليسيليك وهو من أحماض الـ BHA، اللي بتقدر تتغلغل جوة مسام البشرة وينضفها بعمق من الخلايا الميتة اللي ممكن تسبب ظهور الحبوب فيها.
- حمض الساليسيليك ممكن يسبب جفاف بسيط في البشرة، عشان كدا الجيل دا بيحتوي على مكونات مرطبة زي جيل الصبار Aloe Vera، اللي بيرطب البشرة ويمنع جفافها.
- كمان بيحتوي على الزنك اللي بيتميز بقدرته على منع الالتهاب اللي بيحصل نتيجة لحبوب الشباب.
- عشان توصلي لأفضل نتايج من استخدام الجيل، يُفضّل تستخدميه مرتين يوميًا على أماكن الحبوب.
- استخدام جيل علاج حب الشباب ممكن يسبب جفاف في بشرتك عشان كده يفضل تستخدمي مرطب مناسب للبشرة الدهنية زي سيباكلار هيدرا sebaclar hydra، وعشان تعرفي ازاي تختري المرطب المناسب للبشرة الدهنية تقدري تعرفي أكتر من هنا.
أفضل طريقة لاستخدام sebaclar active gel:
- اغسلي بشرتك بالغسول المناسب، ويُفضّل يكون من نفس المجموعة عشان تحصلي على نتيجة أفضل ، استخدمي سيباكلار غسول جيل – Sebaclar Purifying Cleansing لتنضيف البشرة الدهنية.
- اشطفي بشرتك وجففيها بالفوطة بلطف المخصصة بدون دعك أو عنف.
- استخدمي سيباكلار اكتف جيل على أماكن الحبوب مرتين، مرة الصبح ومرة بالليل.
معلومات طبية:
مكونات سيباركلار جيل sebaclar active gel لعلاج الحبوب والبثور:
الزنك Zinc
الزنك هو عنصر أساسي موجود في كل الأعضاء والأنسجة والسوائل في جسمنا.
الزنك بيلعب دور مهم في التئام الجروح ومكافحة الالتهابات والفيروسات والبكتيريا.
أجسامنا مش بتقدر تخزن الزنك لفترة طويلة، عشان كدا مهم أننا نتأكد أننا بنحصل على كمية مناسبة من الزنك عشان نحافظ على صحة شعرنا وبشرتنا.
حب الشباب بيحصل لما بصيلات الشعر بتتسد بالدهون الزايدة والبكتيريا وخلايا الجلد الميتة.
نتيجة لكدا بيبدأ يظهر في بشرتك رؤوس بيضا أو سودا أو بثور ملتهبة.
الخصائص المضادة للالتهاب اللي بيتميز بيها الزنك بتقلل التورم والاحمرار اللي بيكونوا مصاحبين بحب الشباب.
كمان هو بيساعد في التئام الجروح، وبكدا بيقدر يقلل من آثار حب الشباب اللي بتظهر بعد علاج الالتهاب.
حمض الساليسيليك Salicylic Acid
حمض الساليسيليك هو من أحماض البيتا هيدروكسي BHA المقشرة للبشرة.
بيتميز بقدرته على أنه يتغلغل بعمق في مسام البشرة، وينضفها من الأوساخ والأتربة وبكدا بيقلل من الرؤوس السودا والبيضا.
بمجرد أنه بيدخل جوة المسام، بيبدأ يكسر الروابط بين خلايا الجلد الميتة، ويقلل الالتهاب اللي موجود في المسام، ويعالج البثور الحمرا الملتهبة.
قدرته على تكسير الروابط بين خلايا الجلد بتساعده يقشر الطبقة الخارجية من الجلد، ويخلي بشرتك أنعم وأصفى.
جيل الصبار Aloe Vera
جيل الصبار ليه فوايد كتير للبشرة من أهمها:
- مرطب للبشرة، بيرطب البشرة الدهنية من غير ما يزود إفراز الدهون والزيوت فيها.
- مضاد للالتهاب، بيهدّي الالتهاب والاحمرار اللي بيحصل في البشرة نتيجة وجود الحبوب فيها.
- مضاد قوي للأكسدة، لأنه بيحتوي على فيتامينات مختلفة زي البيتا كاروتين وفيتامين C و E، اللي بيحموا بشرتك من الجذور الحرة اللي ممكن تسبب التهابها.
- مضاد طبيعي للبكتيريا، بيساعد في التقليل من البكتيريا اللي بتسبب ظهور حب الشباب.
البيوتين Biotin
البيوتين أو فيتامين B7، هو فيتامين من عيلة فيتامينات B، وهو واحد من الفيتامينات المهمة جدًا لصحة البشرة.
البيوتين بيحافظ على مستوى ترطيب البشرة، وبيحسن المظهر العام للبشرة.
كمان بيقلل من الجفاف والتشققات اللي ممكن يعمله الساليسيليك Salicylic Acid في البشرة، وبكدا بيساعدك تتخلصي من الحبوب من غير ما يسبب جفاف البشرة.
- Zinc PCA
- Hazel extract
- Biotin
- Salicylic Acid
- Aloe Vera
قولي لنا رأيك