ستارفيل كريم لتفتيح البشرة – Starville Whitening Cream 60 Gm

اي هي مكونات كريم ستارفيل للتفتيح؟

ألفا أربوتين Alpha Arbutin: 

• بيقلل التصبغات والبقع الغامقة:

بيقلل نشاط إنزيم التيروزيناز Tyrosinase، اللي ليه دور كبير في تكوين الميلانين اللي بيسبب بقع وتصبغات البشرة.

بيساعد في الوقاية من بقع الشمس المختلفة، تعرُّض بشرتك للأشعة الفوق بنفسجية الضارة ممكن يسبب ظهور بقع وتصبغات، الألفا إربيوتين بيقلل من تأثير أشعة الشمس على بشرتك، وبيعالج البقع اللي بتظهر نتيجة التعرض ليها.

• بيساعد في علاج الكلف:

الكلف هو حالة بتحصل للحوامل بيظهر فيها بقع غامقة في مناطق مختلفة من الجسم  نتيجة التغيرات الهرمونية. 

الـ Alpha Arbutin بيساعد في تقليل البقع دي وبيوحد لونها، لكن يفضل تستشيري الدكتور الخاص بيكي قبل ما تستخدمي أي منتج في فترة الحمل.

• بيفتح البشرة:

مكوّن آمن لتفتيح البشرة وتوحيد لونها، مش معنى كده أنه بيبيّض الوجه، ولكنه بيبطئ إنتاج الميلانين، وبيوحد لون بشرتك وبيخليها صحية أكتر.

• لطيف على البشرة:

على العكس من مكونات تفتيح البشرة التانية، الـ Alpha Arbutin لطيف وآمن للاستخدام بتركيز يصل لـ 2٪ ومش بيسبب تهيج في البشرة، عشان كده يعتبر مناسب لأصحاب البشرة الحساسة.

حمض كوجيك Kojic Acid:

التصبغات بتحصل في بشرتك لأسباب كتير زي:

1. التعرض لأشعة الشمس الضارة باستمرار من غير حماية.
2. التغيرات الهرمونية.
3. بعد الإصابة ببعض الأمراض الجلدية زي الحبوب.

حمض الكوجيك بيمنع إنتاج الميلانين في الجسم، الميلانين هو الصبغة اللي بتضيف لون بني في بشرتك وشعرك. ‌

عن طريق تقليل إنتاج الميلانين، حمض الكوجيك بيعالج البقع الغامقة وبيخلي لون بشرتك موحد أكتر.

عرق السوس Licorice Extract:

• بيعالج التصبغات.

التصبغات هي حالة بيظهر في الجلد فيها بقع غامقة أو مناطق مش متساوية في اللون أو الملمس، العرق سوس بيعالج البقع دي وبيقللها بنسبة كبيرة.

لطيف على البشرة ومش قاسي زي الهيدروكينون hydroquinone، عشان كده هو يعتبر بديل طبيعي ليه.

• بيقلل الضرر الناتج عن التعرض لأشعة الشمس الضارة.

العرق السوس بيحتوي على مادة الجلابريدين glabridin، المادة دي بتمنع التلف اللي بيحصل في البشرة نتيجة الشمس، وبتوقف تغير وغمقان لون البشرة أثناء وبعد التعرض لأشعة الشمس.

• بيحسن مظهر علامات حب الشباب.

علامات حب الشباب بتظهر نتيجة الزيادة في إنتاج الميلانين.

على الرغم من أن الميلانين بيساعد في حماية البشرة من أضرار الأشعة فوق البنفسجية، لكن زيادة إنتاج الميلانين عن الحد المطلوب بتعمل آثار جانبية مش مطلوبة زي البقع والغمقان وآثار حب الشباب.

• بيهدّي الالتهاب.

مادة الجلسرهيزين glycyrrhizin الموجودة في العرق سوس ليها تأثير مهدئ على البشرة، وبتخفف من أي التهاب أو احمرار موجود فيها.

• بينعّم البشرة.

العرق سوس بيجدد مخزون بشرتك من  الكولاجين collagen والإيلاستين elastin، والاتنين ضروريين عشان تحافظي على مرونة بشرتك ونعومتها.

كمان بيحافظ على حمض الهيالورونيك hyaluronic acid في بشرتك، حمض الهيالورونيك hyaluronic acid عبارة عن  جزيء سكر ليه القدرة أنه يحتفظ بكمية من المياه قد وزنه 1000مرة، المياه دي بتحافظ على على نضارة بشرتك ونعومتها.

فيتامين سي Vitamin C:

مضاد قوي للأكسدة، بيقلل من إنتاج الميلانين وبيوحد لون البشرة.

1. Alpha Arbutin
2. Kojic acid
3. Licorice Extract
4. Vitamin C,
5. Vitamin E
6. Panthenol
7. Chamomile
8. Castor Oil
9. Beeswax