أمبولات سيروم تريتو – Treato Serum Amp

مكونات تريتو سيرم امبولات للشعر treato ampoules وفوايدها لشعرك:

• بروكابيل Procapil®:

• هو تركيبة جديدة نسبياً، بتقوّي بصيلات الشعر وتقلل التساقط، وبتحمي الشعر من التقصف، مع تعزيز نمو الشعر بنسبة 121%.
• عبارة عن محلول مصنوع من مكونات طبيعية، هي:

1. بيوتينايل جي اتش كيه Biotinyl-GHK: وده شكل من أشكال فيتامين البيوتين للشعر.
2. أبيجينين Apigenin: وده فلافونويد Flavonoid موجود في أشجار الحمضيات.
3. حمض الأولينوليك Oleanolic acid: وده مركب كيميائي موجود في أشجار الزيتون.

• عشان نفهم إزاي البروكابيل بيمنع تساقط الشعر، لازم نتكلم الأول عن هرمون DHT المسؤول عن عملية التساقط:

الكميات الزيادة من الهرمون ده بتتراكم في بصيلات الشعر، فبتمنعها من الحصول على التغذية الكافية لنمو شعر صحي، وبمرور الوقت بيخلي البصيلات خاملة، وده بيخلي الشعر هش وضعيف، وبالتالي معرض أكتر للتساقط.

بروكابيل بيقلل تأثير هرمون DHT على بصيلات الشعر، عن طريق إنه بيوسع الأوعية الدموية في فروة الراس، فيزوّد تدفق الدم للبصيلات، اللي بتقدر بالطريقة دي إنها تاخد التغذية اللازمة وإمدادات الأكسجين اللي بتقويها وتزوّد معدل التمثيل الغذائي، وبكده يمنع تساقط الشعر، ويقويه، ويزوّد معدل نموه.

• خلايا التفاح الجذعية Apple Stem Cells:

• بيُطلق عليها “ينبوع الشباب”، ده لأنها بتحفر نمو الشعر عن طريق تنشيط بصيلات الشعر الخاملة في فروة الراس، بحيث تكتّر عدد البصيلات اللي بتكون في مرحلة النمو النشط Anagen Phase، وتقلل عدد البصيلات في مرحلة التساقط Talogen Phase.
• الأبحاث المكثفة أثبتت إن تركيز 0.1% بس من مستخلص خلايا التفاح الجذعية، ممكن يزوّد نسبة الخلايا الجذعية البشرية بنسبة 80%، فتقدر تجدد بصيلات الشعر وتقوّيها وتزوّد نمو الشعر بكفاءة وأمان.

• محلول جليكوزامينوجليكان Hydrolyzed Glycosaminoglycans:

  هو سكر أميني من مجموعة المغذيات المهمة جداً للشعر، بيحفز نمو الشعر لأنه بيطوّل مرحلة النمو النشط Anagen Phase ويقصّر مرحلة التساقط Talogen Phase في دورة حياة الشعر، فيقلل التساقط ويدّي الشعر وقت أكتر عشان يطوّل فيه.

• ساليسيلات السيلانيديول Silanediol Salicylate:

  هو مركب أساسي مضاد لتساقط الشعر، بيتكون من السيليكون العضوي (وده عنصر ضروري في عملية التمثيل الغذائي للشعر) مع حمض الساليسيليك (اللي بيحمي الشعر وفروة الراس من الجذور الحرة والالتهابات).

كمان بيزوّد من كثافة الشعر، وبيوفرله الحماية والقوة واللمعان.

• نياسيناميد Niacinamide:

1. بيلعب دور حيوي في نمو شعر طويل وقوي لأنه بينشّط الدورة الدموية في فروة الراس والبصيلات.
2. بيحسّن من ملمس وشكل الشعر لأنه بيزوّد مرونته ولمعانه.
3. بيساعد في بناء الكيراتين، فبيصلح نسيج الشعر المتضرر بسبب المواد الكيماوية أو طرق التعامل القاسية في تسريحه ولمّه.

• أوكتابيبتيد-2 Octapeptide-2:

  بيعالج تساقط الشعر، وبيسرّع نموه، عن طريق تنشيط الخلايا الجذعية في البصيلات.

• بيوتين Vitamin H:

  معروف كمان بِاسم فيتامين B7، بيحفز إنتاج الكيراتين في الشعر، وبيزوّد معدل نمو البصيلات، وبيؤدي نقصه لضعف الشعر وتساقطه.

• بروفيتامين ب5 Provitamin B5:

1. هو فيتامين حيوي جداً للشعر، وهو المركب الأساسي اللي بيُشتق منه البانثينول، يعني مرطب قوي بيحتفظ بالرطوبة في فروة الراس والشعر، وبيمنع فقدانهم للمياه، فبيخلي الخصلات أنعم ومرِنة أكتر والتحكم فيها بيبقى أسهل.
2. بيساعد في علاج الحكّة وفروة الراس الجافة.
3. بيساعد على تقوية وتغذية بصيلات الشعر، فبيعزز نمو شعر صحي، وبيمنع التساقط.
4. بيدّي الشعر لمعان وكثافة أكتر.

• Procapil®
• Apple Stem Cells
• Hydrolyzed Glycosaminoglycans
• Silanediol Salicylate
• Niacinamide
• Octapeptide-2
• Vitamin H
• Provitamin B5