تفاصيل المنتج
مضاد للتعرق، مثبت سريريًا أنه بيمنع العرق، وبيوفر حماية طويلة من الريحة المزعجة للعرق.
بيستخدم مرة واحدة وبيوفر حماية من العرق لمدة من ٣ إلى ٥ أيام.
الحجم: 20ml
الهدف منه: علاج التعرق المفرط ومزيل للعرق
المادة الفعالة: مادة كلوريد الالمونيوم
العلامة التجارية: بيرسبيركس - Perspirex
الوظيفة: مزيل عرق
الخامة: رول اون
خصائص المنتج
معلومات المنتج:
- بيرسبيريكس رول اون مضاد للتعرق – perspirex antiprespirant roll-on هو رول اون مزيل للعرق لحالات التعرق المفرط.
- بيحتوي على مادة كلوريد الالمونيوم اللي بتمنع العرق عن طريق أنها بتزود من لزوجته، وبالتالي بيكون صعب إفرازه من الغدد العرقية المسؤولة عن إفراز العرق.
- بيحتوي كمان على بعض المستخلصات الطبيعية اللي بتساعد في ترطيب البشرة وبتقلل من جفافها.
- تأثير بيستمر لمدة من ٣-٥ أيام، ومش بيروح مع الغسيل بالمياه.
- منتج خالي من العطور، ومناسب لكل أنواع البشرة لأنه مش بيسبب غالبًا أي حساسية أو التهاب أو احمرار.
- نغسل المنطقة اللي هنستخدمه فيها كويس ونتأكد من نضافتها وجفافها.
- مهم جدًا أنك متستخدميش برسبيريكس على جلد مجروح أو في تشققات من أي نوع.
- ندهن بالرول أون طبقة رقيقة على بشرة نظيفة.
- يفضل تستخدمه بليل قبل ما تنامي، لأن الوقت دا اكتر الوقت الغدد العرقية بتكون مش نشطة فيه.
- نسيبه ينشف تمامًا قبل لبس الملابس.
- اغسليه الصبح بالمياه والصابون في الشاور العادي بتاعك.
الغسيل مش هيأثر علي نتيجة بيرسبيركس، لأن نتيجته بتستمر لفترة من ٣-٥ أيام، وممكن تستخدميه تاني اما تحسي أنك محتاجه.
معلومات طبية:
مادة كلوريد الالمونيوم
المادة دي بتتصنف أنها ملح ألومنيوم، وهيا بتكون موجودة بشكل طبيعي في صخور الأرض، وبتستخدم في استخدامات كتيرة جدًا، من أهمها أنه بيستخدم كمادة مضادة للتعرق، وبتستخدم لعلاج حالات التعرق المفرط المختلفة.
عشان نفهم المادة دي بتوقف العرق ازاي، لازم نفهم هيا بتشتغل ازاي.
أما بنستخدم مضادات تعرق فيها المادة دي، اللي بيحصل انه بشرتنا بتمتص أيونات الألومنيوم، وبتوصل الأيونات دي للقنوات اللي بتبطن الغدد العرقية.
جزيء كلوريد الألومنيوم بيقدر أنه يرتبط ب ٦ جزيئات من المياه بصورة محكمة، الرابطة اللي بتتكون بينه وبين المياه دي بتزود من لزوجة المياه أو العرق، وبالتالي بيكون صعب جدًا طرد العرق دا بره الغدد العرقية، وبالتالي بيمنع العرق.
في بعض الناس اللي بتقول أن استخدام المادة دي غلط طبيًا وبتسبب مشاكل كتير زي السرطان وغيره، لكن دا مش صح وثبت خطأ الدراسات دي مع الوقت.
لكن دا ميمنعش أنها زي أي مادة طبيعية أو كيميائية تانيه بيكون ليها آثار جانبية في بعض الأحيان، ومش بتكون مناسبة لكل الناس.
يمكن واحد من أهم آثارها الجانبية هو الحكة أو الحرقان الخفيف مع الاستخدام، دا مش معناه أنها بتسبب سرطان، لكن معناه أن بشرتك بتتحسس من المادة دي مش اكتر من كدا.
- Alcohol denat.
- Aluminium Lactate
- Aluminium Chloride
- Cyclopentasiloxane
- Glyceryl Stearate
- Cetyl Palmitate
- Hydrogenated Microcrystalline Wax
- Hydrogenated Castor Oil.
ضيفي أول ريڤيو عن “بيرسبيريكس رول اون مضاد للتعرق – perspirex antiprespirant roll-on”