بوديوم فيرمينج كريم- Bodium Firming Cream

السيلوليت هو تجعد في شكل الجلد بيظهر نتيجة زيادة الدهون في الطبقة أسفل الجلد على طول، فبتتكون تكتلات في الفخدين والأوراك والبطن والأرداف وشكلها بيكون شبه الدمامل أو جلد قشرة البرتقال.

السيلوليت بيتصنف لـ 3 درجات على حسب الشدة:

• الدرجة الأولى: بيكون أقلهم شدة، ومش بتقدري تشوفي السيلوليت بالعين المجردة، لكن ممكن تحددها بالفحص الدقيق للخلايا تحت المجهر.

• الدرجة التانية: ودي بتكون حالة متوسطة للإصابة بالسيلوليت، بيكون الجلد شاحب وأقل مرونة من مناطق الجسم التانية.

• الدرجة التالتة: ودي بتكون حالة شديدة للسيلوليت، بيظهر الجلد بصورة متعرجة والجلد بيكون فيه تجعيد زي قشرة البرتقال، وكمان بتقل مرونة الجلد.

في أسباب كتير بتكون سبب ظهور السيلوليت، وعلى حسب الدراسات بتأكد إن النساء هما أكتر تعرضاً ليها، نتيجة اختلاف تكوينهم البيولوجي عن الرجال، ومن أهم الأسباب دي:

• الاستعداد الوراثي: الدراسات أكدت أن النساء اللي ليهم حالات متكررة لظهور السيلوليت بين أفراد العيلة، هما أكتر عرضة لظهور السيلوليت عندهم.

• الحميات الغذائية الخاطئة: لو بتاكلي الأكلات اللي كلها دهون والوجبات السريعة ابعدي عنها وتابعي نظام غذائي صحي متكامل وغني بالعناصر الغذائية المهمة للجسم، وتكون بتحتوي على كميات كبيرة من الألياف والفيتامينات إلى حد كبير، ده هيقلل من احتمالية ظهور السيلوليت بالجسم.

•  قلة شرب المياه: المياه مكون أساسي للجسم، وقلة شرب المياه ده بيكون سبب ظهور السيلوليت، وده بيأثر على صحة ومرونة البشرة، وكمان بيقلل من ثاني أكسيد الكربون.

• الوزن الزايد: ده من أهم الأسباب اللي بتخلي السيلوليت تظهر، لأن كل ما بتزيد كمية الدهون فبتظهِر الجلد في شكل متعرج ومتجعد.

• قلة ممارسة الرياضة: الرياضة مش بس بتقلل الوزن، كمان مهمة جداً لأنها بتشد الجلد وبتخلي مظهرة صحي أكتر.

السيلوليت مش مرض، عشان كده مالهوش أعراض بيعاني منها الشخص، لكن كل ما يميزه أنه بيظهر تكتلات في الجسم شبه قشرة البرتقال على الجلد، وده بيظهر أكتر في منطقة الوركين، والأرداف، ومنطقة البطن أكتر منطقة بتتأثر.

أكيد الوقاية خير من العلاج، فتتجنبي ظهور علامات السيلوليت أفضل بكتير من محاولات علاجها، هنقولك على نصائح بسيطة عشان تحافظي على جسمك من غير أي علامات للسيلوليت ومنها:

1. حاولي تمارسي التمارين الرياضية باستمرار وخصوصاً رياضة المشي.
2. اتبعي نظام غذائي مفيد بيعتمد على الفواكه والخضراوات والأطعمة الغنية بالألياف، ابعدي قدر الإمكان عن الأكلات الغنية بالدهون أو الغنية بالكربوهيدرات.
3. البسي الملابس المناسبة وابعدي عن الملابس الضيقة واللي مش مريحة للجسم.
4. ابعدي عن أي مسببات للضغط العصبي ، اللي ممكن يكون سبب احتمال ظهور السيلوليت.
5. اهتمي ببشرتك ونضافتها والترطيب المستمر ليها.