تفاصيل المنتج
كريم مرطب للشعر التالف والمتكسر، بيرطب الشعر وبيعالج التقصيف.
الحجم: 200 مل
الهدف منه: ترطيب الشعر
المادة الفعالة: الكيراتين (Hydrolysed Keratin)
العلامة التجارية: Eva Hair Clinic - إيفا هير كلينيك
الوظيفة: ليف-إن
الخامة: كريم
خصائص المنتج
معلومات المنتج:
إي كيراتين ليف إن كريم – Eva E Keratin Leave In Cream، هو كريم ليف إن بالكيراتين المرطب لكل أنواع الشعر.
بيحتوي على الكيراتين المتحلل، اللي بيقدر أنه يتغلل جوة خصلات شعرك ويرطبها بعمق.
الكيراتين المتحلل بيتميز أنه وزنه الجزيئي صغير، وبكده بيقدر يخترق طبقات الشعر التلاتة ويصلّح التلف الموجود فيها.
كمان بيسد الفجوات اللي بتتكون على سطح الشعر نتيجة استخدام الصبغات والبروتين ومواد الفرد المختلفة.
مناسب لكل أنواع الشعر، ومناسب لأصحاب المسامية المنخفضة اللي شعرهم تالف نتيجة الشمس أو الكيماويات.
- اغسلي شعرك بالشامبو المناسب لنوعه، ويُفضّل يكون من نفس المجموعة.
- استخدمي البلسم المرطب على أطراف شعرك.
- نشفي شعرك بالمنشفة القطن عشان تتخلصي من أي مياه زيادة.
- وزعي الليف إن على أطراف شعرك، وابدئي فكي تشابكات الشعر بصوابعك الأول.
- استخدمي مشط أسنانه واسعة، وابدئي سرحي شعرك من تحت لفوق بالراحة.
معلومات طبية:
الكيراتين المتحلل Hydolyzed Keratin
الكيراتين المتحلل هو في الأساس جزيء بروتين كبير حصله عمليات كيميائية معينة وتم تكسيره بطريقة تسمح له أنه يدخل جوة خصلات الشعر.
الكيراتين المتحلل بييجي بصورة أساسية من بروتين الصوف أو بروتين الحرير أو بروتين القمح النباتي.
بسبب وزنه الجزيئي المنخفض، فهو بيقدر يخترق الطبقات السطحية للشعرة، ويرطبها من الداخل.
أما بنستخدم الكيراتين في صورة كريم أو سيرم موضعيًا، بيبدأ أنه يسد الفجوات الصغيرة في كل طبقات الشعر التلاته المعروفة؛ الطبقة السطحية والقشرة والنخاع.
دخول الكيراتين في الفجوات دي بيقوّي بنية الشعر وبيحسن مرونته بشكل عام.
الكيراتين كمان بيقلل من الضرر اللي بيحصل في الشعر نتيجة التعرض لأشعة الشمس الضارة، أو نتيجة استخدام الحرارة، والمواد الكيميائية المختلفة زي الصبغة والفرد.
الكيراتين بيحسن من نسيج الشعر وبيخليه ناعم أكتر، بعد الانتظام في استخدام منتجات الكيراتين لفترة مستمرة، هتلاحظي أن تجعيدات شعرك أسهل في التحكم فيها وتسريحها بصورة كبيرة.
كمان هو مرطب قوي للشعر، بيجذب الترطيب للشعر وبيخليه طري وناعم وبيلمع.
الكيراتين كمان بيزود كثافة الشعر، وبيعيد بناء الطبقة الواقية الطبيعية للشعر من الداخل، عن طريق أنه بيعوّض شعرك عن البروتين المفقود، وبيزود قطر كل خصلة بصورة منفردة.
الكيراتين مفيد لكل أنواع الشعر، لكنه مفيد بصورة أخص لأصحاب الشعر المجعد والجاف والتالف.
كمان مفيد لأصحاب الشعر عالي المسامية، واللي شعرهم ضعف بسبب استخدام المواد الكيميائية المختلفة زي الصبغات والبروتين.
- Water – aqua
- Dimethicone
- Hydrolyzed keratin
- Propylene glycol
- Cocamide DEA
- Cocamide Propylene betaine
- Polyquaternium 28
- Quatro Hydroxy poly trimonium chloride
- Diazolidinyl urea
قولي لنا رأيك