تفاصيل المنتج
أمبولات تعالج التساقط وتقوي الشعر وتزود لمعانه وصحته.
الحجم: (4*15) 60 مل
الهدف منه: علاج تساقط الشعر
المادة الفعالة: Aloe Vera ext - خلاصة الصبار, بروتين القمح Wheat Protein
العلامة التجارية: إيفا هير كلينيك - Eva Hair Clinic
الوظيفة: أمبولات للشعر
الخامة: سائل
خصائص المنتج
معلومات المنتج:
إيفا أمبولات بالصبار – Eva Aloe vera Hair Ampoules هي أمبولات لتقوية الشعر وعلاج التساقط والتكسر.
بتحتوي على خلاصة الصبار المرطب للشعر، واللي بيقلل أي التهاب أو احمرار موجود في فروة الراس.
الصبار غني بالفيتامينات المختلفة اللي بتقوي بصيلات شعرك، وبتغذيها وبتسرّع نموها.
كمان بيحتوي على بروتين القمح اللي بيرطب الشعر ويزود لمعانه ويحميه من الآثار الضارة لأشعة الشمس، أو أدوات التصفيف المختلفة زي المكواة والسشوار.
مناسبة للشعر العادي، وعشان توصلي لأفضل نتيجة من استخدامها، يُفضّل تستخدميها مرتين في الأسبوع لمدة شهرين على الأقل.
- اغسلي شعرك بالشامبو المناسب لنوعه، ويُفضّل يكون من نفس المجموعة.
- استخدمي البلسم المرطب على أطراف شعرك.
- افتحي غطا الأمبولة، وابدئي وزعيها على شعر مبلل، ودلكي فروة الراس بأطراف صوابعك في حركات دائرية.
(استخدميها مرتين في الأسبوع عشان توصلي لأفضل نتايج).
معلومات طبية:
الصبار Aloe Vera
الصبار ليه فوايد كتير ومختلفة للشعر من أهمها:
- بيعالج أي التهاب أو تهيج موجود في فروة الراس.
- ليه خصائص مرطّبة قوية، بيرطب فروة الراس وبصيلات الشعر، وبيعالج أي جفاف أو التهاب موجود فيها.
- بيتحكم في إنتاج الدهون من بصيلات الشعر في فروة الراس، وبيساعد شعرك يتخلص من الدهون الزايدة وتراكمات المنتجات المختلفة.
- الصبار غني بفيتامينات A و C و E، الفيتامينات دي بتقوّي جذور الشعر وبتغذيها وبتحسن من نموها.
- بيحتوي كمان على فيتامين ب 12 وحمض الفوليك، ودول بيزودوا قوة الشعراية، وبيقللوا التساقط بصورة ملحوظة.
- بيحمي شعرك من الأضرار اللي ممكن تسببها أشعة الشمس الضارة، والتلف والتكسر اللي بتعمله في خصلات شعرك.
- بيقلل من تقصف الشعر، وبيصلح الأطراف وبيرطبها.
بروتين القمح Wheat Protein
- بيصلح تلف الشعر.
شعرنا بيحتوي بشكل طبيعي على روابط ثاني كبريتيد اللي بترطب بين الخلايا المختلفة.
التعرض لأشعة الشمس الضارة أو الصبغات أو الحرارة، بيكسر الروابط دي وبيأثر في قوتها.
بروتين القمح عنده القدرة أنه يربط الروابط المكسورة دي، ويصلح الشعر التالف بشكل فعال، ودا بيقوّي الشعر ويقلل التساقط.
- بيرطب الشعر.
بروتين القمح المتحلل عنده القدرة على الدخول من طبقات الشعر الخارجية وترطيبه من الداخل.
كمان هو بيحبس الرطوبة في الشعر، وبيقلل من فقدانها.
- بيمنع تكسر الشعر.
تقصف وتكسر الشعر بيحصل نتيجة لعوامل كتير مختلفة، لكن السببين الرئيسيين هما الجفاف والضعف.
بروتين القمح بيعالج السببين دول، وبيوفر الترطيب لشعرك، وكمان بيصلح روابط الشعر الضعيفة أو المكسورة.
لما شعرك بيكون مرطب بالدرجة الكافية، دا بيزود مرونته، وبيخليه قادر أكتر يتحمل ظروف البيئة القاسية اللي ممكن تسبب تلفه.
- بيزود لمعان الشعر.
بروتينات القمح بتزود لمعان الشعر وبتحميه من أضرار التصفيف بحرارة السشوار.
- بيحسن المظهر العام للشعر.
الشعر بيكون في أفضل حالاته لمّا بيكون مرطّب وقوي وبيلمع.
بروتين القمح بيساعد في الاحتفاظ بالرطوبة في شعرك، ودا بيديه مظهر كثيف أكتر.
- Aloe Barbadensis Leaf Extract
- Laudrimonium Hydroxypropyl Hydrolyzed Wheat Protein
- Hexylene Glyool
- PEG-7 Glyceryl Cocoate
- Ceteareth-20
- Fragrance
- Sodium Methylparaben
- Sodium Propylparaben
- CI 42090
- CI 19140
قولي لنا رأيك