تفاصيل المنتج
بيعالج إيه:
- بتقلل عمق التجاعيد، وتخفف من شكلها.
- بتمنع تكوين تجاعيد جديدة.
الحجم: 10 أمبولات * 2 مل
الهدف منه: تأخير ظهور التجاعيد
المادة الفعالة: TOCOPHERYL ACETATEETATE - توكوفيريل أسيتات, الكولاجين Collagen, زبدة الشيا Shea Butter, مستخلص زهرة الأكميلا Spilanthes Acmella Flower Extract, فيتامين ج Vitamin C
العلامة التجارية: Eva Skin Clinic - إيفا سكين كلينيك
الوظيفة: سيروم
الخامة: سائل
خصائص المنتج
نوع البشرة
لون البشرة
ميعاد الاستخدام
معلومات المنتج:
وصف المنتج
- أمبولات إيفا كولاجين المركبة المضادة للشيخوخة ANTI-AGEING COLLAGEN COMPLEX AMPOULES بتركيبتها المتخصصة لتأخير ظهور علامات تقدم السن.
- بتكنولوجيا النانو للامتصاص، اللي بتضمن اختراق المكونات للبشرة بعمق بالتأثير ثلاثي الأبعاد، فبيشتغل على السطح والعمق والحجم:
- السطح: الكولاجين بيدّي البشرة الترطيب الطبيعي ويخلي شكلها صحي أكتر، كمان مستخلص زهرة الأكميلا الطبيعية بيشد البشرة ويزود من تماسكها.
- العمق: جزيئات النانو بتوصّل الفيتامينات لطبفات البشرة العميقة، فتعزز إنتاج الكولاجين الطبيعي.
- الحجم: الكولاجين اللي اتكوّن ده هيملا التجاعيد، ويخلي شكل البشرة أصغر.
فهتخلي البشرة ناعمة ومشدودة بشكل طبيعي.
- هيظهر تأثيرها على بشرتك بسرعة:
- خلال 7 أيام خطوط التجاعيد هتكون ناعمة بشكل واضح.
- خلال 15 يوم البشرة بتكون مشدودة ومتماسكة أكتر.
- خلال شهر واحد خطوط التجاعيد بتتملي، والبشرة بتبان أصغر.
- خالي من الكحول.
شرح طريقة الاستخدام
- نضفي بشرتك باستخدام غسول إيفا كولاجين Eva Collagen Facial Wash.
- اكسري أمبول ووزعي محتوياته على بشرتك كلها ورقبتك.
- كرري استخدام الأمبولات يوم بعد يوم لمدة شهرين.
- لنتايج أفضل استخدميه مع كريم البشرة بالكولاجين لملء الخطوط العميقة لعمر +40 ANTI-AGEING COLLAGEN DEEP LINES FILLER AGE +40 لو سنك 40-50، أو كريم إيفا بالكولاجين المقاوم لترهلات البشرة لعمر +50 ANTI-AGEING COLLAGEN ANTI-SAGGING CREAM AGE +50 لو سنك أكتر من 50.
معلومات طبية:
شرح الماده الفعالة
- الكولاجين Soluble Collagen: على الرغم من جزيئاته اللي حجمها كبير بتخليه صعب الامتصاص للطبقات المتوسطة من الجلد، وكمان صعب التوجيه للأماكن الصح اللي محتاجاه بالاستخدام الموضعي سواء كريم أو سيروم، إلا إن حجم الجزيئات الكبير ده بيشكّل نقطة قوة لأنه بيديله قدرة عالية على الارتباط بالمياه، عشان كده بيكون مرطب هايل للبشرة بيوفرلها طبقة غنية بالمياه على سطحها، فبيمنع جفافها ويزوّد مرونتها.
- مستخلص زهرة الأكميلا Spilanthes Acmella Flower Extract: تأثيره مشابه لتأثير البوتوكس لأن له خواص مُرخية للعضلات، يعني بيقلل تقلص العضلات اللي هو السبب في ظهور التجاعيد والخطوط في البشرة، فبيشد الجلد وينعم ملمسه ويقلل ظهور التجاعيد.
- زبدة الشيا Shea Butter: بتجدد خلايا البشرة، وبترطبها وتديها النعومة، وبتحميها من العوامل الخارجية اللي بتضرها، زي الأشعة فوق البنفسجية والرياح، ودا بسبب إنها غنية بمضادات الأكسدة.
- فيتامين ج Vitamin C: بيعزز إنتاج الكولاجين، وبيفتّح التصبغات والبقع الغامقة، وكمان ليه قدرة على حماية البشرة بسبب خواصه المضادة للأكسدة.
- توكوفيرول Tocopheryl Acetate: هو صورة من صور فيتامين هـ Vitamin E المستخدَمة في مستحضرات التجميل، ليه القدرة على حماية البشرة لأنه مضاد للأكسدة، وبيقوّي تأثير فيتامين ج Vitamin C.
ضيفي أول ريڤيو عن “أمبولات إيفا كولاجين المركبة المضادة للشيخوخة – EVA COLLAGEN COMPLEX AMPOULES”