مشاكل نمو الشعر وأهم 3 طرق لعلاجها
بعض الأشخاص بتلاحظ مشكلة في الشعر وهي إن نموه بيقف عند طول معين مش بيزيد عنه، أو ظهور أماكن بيكون الشعر فيها خفيف في فروة الراس، وأحيانًا كمان ممكن تلاحظي إن في جنب ممكن يطول أسرع من الجنب التاني من الشعر.
هنوضحلك هنا إيه الأسباب اللي بتؤدي لإن الشعر مش بيطول، وكمان إزاي تعالجيها بكل سهولة.
دورة الشعر
أول حاجة هنكلمك عنها هي دورة الشعر أو مراحل نمو الشعراية، عشان تفهمي إيه اللي بيأثر عليها فبيسبب إنها بتوقف تطول بالمعدل الطبيعي.
دورة حياة الشعر بتنقسم بشكل عام لتلات مراحل، مش كل الشعر بيكون موجود في نفس المرحلة بس 90% من الشعر بيكون في مرحلة الأناجين – anagen phase ودي مرحلة نمو الشعر.
1- مرحلة الأناجين – ANAGEN PHASE:
ودي أول مرحلة وبتتسمى مرحلة النمو النشط للشعر وبتستمر لفترة من 2 لحد 8 سنوات.
في السيدات الحوامل، شعرهم بيكون كله في مرحلة النمو النشط، عشان كده بيكون دايمًا ملحوظ في السيدات الحوامل إن شعرهم بيبان كثيف ولامع وصحي.
2- مرحلة الكتاجين – CATAGEN PHASE
ودي مرحلة انتقالية، الشعر فيها بيبطل ينمو تمامًا لكن برضو مش بيتساقط، وبتستمر الفترة دي من 4 لحد 8 أسابيع.
3- مرحلة التيلوجين – TELOGEN PHASE
ودي بتتسمى مرحلة الراحة، وفيها الشعر بيبدأ يتساقط، هتلاحظي فيها إن الشعر بيقع بشكل أكبر على المخدة لما تصحي من النوم، أو في الفرشة لما تسرحي شعك، وبتستمر فترة من شهرين لتلات شهور.
ليه الشعر بيتوقف نموه؟
في أسباب مختلفة بتكون سبب في إن الشعر بينمو ببطء أو بيتوقف نموه تمامًا عند طول معين:
إيه المواقف اللي بعدها بيتأثر نمو الشعر وبيقف نموه؟
بعد قص شعرك
- لنمو الطبيعي للشعر بيكون حوالي ربع لنص إنش كل شهر، وده ممكن يديكي إحساس إن الشعر بيطول ببطء بعد قصة شعر معينة، بس ده النمو الطبيعي للشعر.
- القص المنتظم للشعر بيساعد شعرك إنه يطول بشكل أسرع، لإنك بتقصي الأطراف اللي بيكون فيها تقصف والشعر بيكون مقسوم فبيبان بشكل أقصر.
- الأفضل توقفي استخدام الصبغات لفترة لو بتعاني إن شعرك مش بيطول ووقف نموه، وده لأن الصبغات بتتلف الشعر وبتسبب تساقطه وتقصفه، وتقصف الشعر بيخلي الشعر يبان شكله أقصر من طبيعته.
توقف نمو الشعر في منطقة معينة أو نقطة معينة
- حيانًا بنلاقي الشعر نموه وقف عند منطقة معينة أو نقطة معينة، وشكلها بيكون زي دايرة أو حزمة على بعضها، فالأرجح دا بيكون بداية مرض الثعلبة – alopecia areata.
- في الحالة دي لازم تتواصلي مع طبيب الجلدية الخاص بيكي عشان يبدأ يوصف ليكي العلاج المناسب.
توقف نمو الشعر في جنب واحد بس من الشعر
- مو شعر في جانب أسرع من الجانب التاني موضوع طبيعي جدًا، ومافيش منه قلق، وده لأن كل شعراية بيكون ليها إمداد دموي منفصل عن التانية، وممكن تكون الدورة الدموية بالفعل في جانب أفضل من جانب تاني، عشان كده الشعر في الجانب ده بينمو بشكل أسرع.
- خدي بالك، لو بتنامي على نفس الجانب من الدماغ كل يوم باستمرار، ده بيأثر على نمو الشعر في الجانب ده وبيكون النمو أقل من الجانب التاني.
بعد فترات توتر
الشعر بيدخل في مرحلة تلاجين إيفلوفيوم – telogen effluvium ودي مرحلة تساقط الشعر بشكل مؤقت مش مستمر، وده بيحصل بعد فترات توتر زي: جراحة، بعد الولادة، في حالات فقد شخص عزيز، وبيكون سبب في تساقط الشعر بشكل مؤقت وكثافته بتقل بشكل كبير.
إزاي نقدر نعالج مشاكل نمو الشعر؟
في أكتر من طريقة نقدر نعالج بيهم مشاكل نمو الشعر:
- علاجات ووصفات منزلية.
- أدوية.
- طرق تانية لزيادة طول الشعر زي استخدام الاكستنشن وتناول نظام غذائي متوازن والاسبراي المكثف لمظهر الشعر وغيرها.
1- العلاجات والوصفات المنزلية
في علاجات ووصفات منزلية تقدري تستخدميها عشان تطولي شعرك وتحسني من نموه زي:
دليك فروة الراس وعمل مساج ده بيحسن من الدورة الدموية في فروة الراس، فبيوصل كمية أكبر من الدم محمل بالفيتامينات والمعادن الضرورية لنمو الشعر، وده هيساعد في زيادة نمو الشعر وزيادة كثافته.
الصبار بيرطب فروة الراس والشعر، فبيحميه من التقصف، وبيخلي شكله أطول ليكي.
زيت الروزماري بيحفز نمو الشعر، وبيكون مفيد جدًا خاصة في حالات الصلع الوراثي.
أثبتت الدراسات إنه بيحفز زيادة طول الشعر عن طريق إنه بيحفز الدورة الدموية لفروة الراس.
البيوتين بيحفز نمو الشعر في الحالات اللي بتعاني من نقص البيوتين، بس دي حالات نادرة ومش منتشرة.
ودي مادة من أصل نباتي تم إثبات إنها بتحفز نمو الشعر وتوقف التساقط، وده عن طريق إنها بتوقف تحول هرمون التستوستيرون إلى ديهيدروتستوستيرون أو المعروف DHT وده مسؤول عن تساقط الشعر، فبيكون مفيد جدًا في حالات الصلع.
2- الأدوية
في أدوية بيوصفها الطبيب بروشتة علاجية، بتحفز نمو الشعر وإنباته وكمان بتحميكي من تساقط الشعر مرة تانية زي:
- مادة المينوكسيديل معروفة بدورها في نمو الشعر وحماية الشعر من التساقط بشكل أكبر خاصة في حالات الصلع، وده عن طريق إنها موسعة للأوعية الدموية اللي بتوصل الدم لفروة الراس، فبتزيد كمية الدم الواصلة لفروة الراس، وبتكون محملة بالفيتامينات والمعادن اللي بيحتاجها الشعر للنمو، فبيزيد نمو الشعر وكمان بتحميه من التساقط.
- الطبيب بيوصف المينوكسيديل الموضعي زي الروجين في حالات الصلع الوراثي عن السيدات والرجال، وهو أول اختيار بيلجأله الطبيب لعلاج مريض الصلع الوراثي، مؤخرًا بدأ ينتشر استخدام أقراص المينوكسيديل بدلًا من الموضعي.
- وده بيشتغل عن طريق إنه بيمنع دور إنزيم 5 ألفا ريدكتيز – 5 alpha reductase enzyme (اللي بيحول هرمون التستستيرون إلى دايهيروتستيرون ) وده المسؤول عن تساقط الشعر.
- ونتايجه فعالة جدًا عند السيدات.
- زراعة الشعر – hair transplant : لو مشاكل نمو الشعر تطورت للتساقط الشديد في الحالة دي الدكاترة بتلجأ إنها تزرع شعر في المناطق الفاضية في فروة الراس عشان تحسن مظهر الشعر.
- صبغة فروة الراس – Scalp micropigmentation: ودي عملية بيعمل فيها الدكاترة لعمل تاتو شبيه بالشعر على شكل نقط صغيرة، فبيدي إحساس بشعر أكتر كثافة، بيخلي مظهر الشعر متوحد أكتر للمريض.
3-طرق تانية لزيادة طول الشعر:
في طرق تانية عشان تقدري تحسني شكل الشعر بحيث يبان أكتر كثافة وشكله أفضل، الطرق دي زي:
وده عن طريق إنك تتناولي نظام غذاء متوازن بيحتوي على عناصر بتحفز نمو الشعر، زي البيض والسمك والتوت والسبانخ.
ودي بتكون عبارة عن خصلات معمولة من الشعر الطبيعي أو الصناعي، ومتثبتة في قاعدة من التُل، وبتقدري تثبتيها على شعرك بسهولة عشان تزودي طوله.
وده سبراي اسمه كونسيلير الشعر تقدري تستخدميه عشان يديكي مظهر أكتر كثافة.
إمتى تتواصلي مع الطبيب الخاص بيكي؟
- لو حسيتي بتساقط شعر بمعدل غير طبيعي.
- لو فروة الراس ملتهبة.
- لو في ألم في فروة الراس.
في الحالات دي لازم تتواصلي مع الطبيب المتخصص فورًا.
إزاي تطوّلي شعرك بشكل أسرع ويكون أقوى؟
عشان تعرفي إزاي تطوّلي شعرك، اعرفي إن فروة الراس بتحتوي على 80 ألف حتى 120 ألف بصيلة شعر، والطبيعي إن كل يوم يتساقط عندك حوالي 100 شعراية في اليوم.
الشعر ده بيطول عن طريق إن الشعر بيكون ليه إمداد مودي بينقل الدم اللي بيكون مٌحمل بالأكسجين والمغذيات والفيتامينات فبتوصل للشعر وبيطول وبيكون صحي.
15 نصيحة عشان تطوّلي شعرك بشكل أسرع
1- تجنبي الدايت القاسي
- طبقًا لدكتورة ليندسي بوردن أستاذ الجلدية بجامعة كولومبيا فإن أكتر سبب بيؤدي لتوقف نمو الشعر وزيادة التساقط هو النظام الغذائي القاسي، لأنه بيكون خالي من الفيتامينات الضرورية عشان تحافظ على شعر صحي وقوي.
- حتى لو الشخص وقف النظام الغذائي القاسي وكمل على نظام غذائي صحي، تساقط الشعر هيفضل مستمر فترة لحد مالشعر يستعيد صحته مع الوقت.
2- تابعي نسبة البروتين في الطعام
- ازم النظام الغذائي اللي إنتي مستمرة عليه يكون بيحتوي على نسبة كافية من البروتين، لأن نقص البروتين بيضعف الشعر ويقلل نموه ويسبب التساقط.
- عشان كده لازم تاكلي يوميًا بمعدل 50 جرام بروتين على الأقل في الوجبات اليومية.
3- استخدمي منتجات عناية بالشعر بتحتوي على كافيين
استخدمي منتجات شامبو وبلسم بتحتوي على كافيين، وده لأن الكافيين بيحفز نمو الشعر عن طريق إنه بيزود كمية الدم الواصلة لبصيلات الشعر، وبيكون الدم محمل بالفيتامينات والعناصر الغذائية الضرورية لنمو الشعر.
4- استخدمي الزيوت
الزيوت مش بتتميز بس إن ريحتها كويسة وبتحسن ريحة الشعر، لكنها كمان بتتميز بإنها بتحفز نمو الشعر.
- لدراسات أثبتت إن في حالة استخدام زيت اليقطين للنساء اللي بتعاني من الصلع الوراثي بيحفز نمو الشعر بعد 3 شهور من الاستخدام.
- بعض الأبحاث وضحت دور زيت إكليل الجبل في تحفيز نمو الشعر، وإن تأثيره مماثل لدور المينوكسيديل في تحفيز نمو الشعر.
- وفقًا لدراسات اتعملت سنة 2020 وضحت إن الزيوت العطرية زي زيت النعناع وزيت الجوجوبا وزيت اللافندر ليهم دور في تحفيز نمو الشعر.
5-الاهتمام بزيادة عناصر غذائية في الوجبات
- عتبر الفيتامينات والمعادن والأحماض الدهنية مهمة لصحتك العامة، كمان ليها دور رئيسي في تزويد الجسم بالطاقة الضرورية لنمو الشعر.
- العناصر الغذائية دي زي البيوتين، فيتامين سي، فيتامين د، فيتامين هـ، الزنك، الحديد، أوميغا 3 وأوميغا 6.
- أثبتت بعض الدراسات مستويات أقل من فيتامين (د) وحمض الفوليك والزنك عند الأشخاص المصابين بحالة تساقط الشعر المناعي الذاتي داء الثعلبة، وده بيدل على أهمية تناول العناصر الغذائية.
- في دراسة واحدة اتعملت سنة 2015، لقت إن تناول مكملات أوميغا 3 وأوميغا 6 لمدة 6 أشهر ممكن يساعد في الحماية من تساقط الشعر عند الأشخاص الذين يعانون من الصلع الأنثوي.
6- مساج لفروة الراس
- مساج فروة الراس بيساعد على الاسترخاء وبيزيل التوتر، وبيحفز نمو الشعر، وده طبقًا لدراسة اتعملت سنة 2016.
- الدراسة اللي اتعملت سنة 2016 وضحت فعالية تدليك فروة الرأس يوميًا لمدة 4 دقائق. لمدة 24 أسبوعًا ، لقوا إن الرجال التسعة المشاركين في الدراسة دي كان عندهم شعر أكثر كثافة في نهاية الدراسة عن بدايتها.
- كمان يُعتقد أن تدليك فروة الرأس قد يساعد على توسيع الأوعية الدموية تحت الجلد، فبيوصل كمية دم أكبر لبصيلات الشعر، فبيؤدي ده لشعر صحي أكتر وأكتر كثافة ومش متقصف.
7-استخدام البلازما الغنية بالصفايح الدموية – PLATELET-RICH PLASMA TREATMENT (PRP)
- استخدام البلازما في علاج تساقط الشعر لقوا إن نتايجه فعالة جدًا.
- العلاج ده بيتعمل مرة واحدة في الشهر وبيستمر عليه المريض لمدة 3 شهور، وبعد كده بتكون جلسة كل 6 شهور.
- العلاج بالبلازما الغنية بالصفائح الدموية (PRP) عبارة عن علاج متطور يستخدم فيه الدكتور المعالج حقن الصفائح الدموية الخاصة بالمريض، عشان يحفز ويسرع نمو الشعر.
- الصفائح الدموية عبارة عن بروتين مشتق من مجرى الدم ومن الحمض النووي للشخص، بيعمل كخلية جذعية أو خلية علاجية لو رجع الجسم مرة تانية.
- حقن فروة الرأس بالبلازما الغنية بالصفائح الدموية بيحفز بصيلات الشعر الخاملة، اللي بدوره بيؤدي إلى زيادة نمو الشعر.
8- وقفي استخدام الحرارة
- استخدام المنتجات اللي بتعتمد على الحرارة زي مكوة الشعر، ومجفف الشعر بيؤذي الشعر ويؤدي لتقصفه وتكسيره.
- عشان تحمي شعرك من الحرارة الزايدة تقدري تستخدمي منتج لحماية الشعر قبل استخدام المكوة أو مجفف الشعر زي السيرم ويكون نوع مناسب لشعرك بيعمل عن طريق إنه بيمنع فقد الرطوبة من الشعر وقت استخدام الجهاز، كمان تقدري تقللي درجة الحرارة للجهاز عشان تقللي الضرر على شعرك.
9-قللي استخدام صبغات تلوين الشعر.
لما بنصبغ الشعر بنغير قوامه، وده ممكن يأثر عليه ويكسره ويقصفه، لما بتقللي صبغ الشعر بيحسن الشعر وبيطول بشكل أسرع وبيقل التساقط.
10- اتكلمي مع الطبيب الخاص بيكي يوصفلك منتجات تحتوي على مينوكسديل.
استخدام المينوكسيدي كورس علاجي بيستمر من 3 حتى 6 أشهر، الطبيب هيوصفه ليكي لو من ضمن الحالات المصرح بيها، هيحفز نمو الشعر ويحميه من التساقط ويزود كثافته.
11- استخدمي مضادات الأكسدة على فروة الراس
- أظهرت الدراسات إن استخدام مضادات الأكسدة على فروة الراس بيحسن من حالة الشعر وبيقلل التساقط.
- يعتقد الباحثون إن مضادات الأكسدة بتحسن وتحمي حاجز فروة الراس، اللي بدوره بيقلل ترقق الشعر.
12- احمي شعرك من التقصف
تقصف الشعر بيزيد مع جفاف وتجعيد الشعر.
عشان تمنعي ده يحصل:
- استخدمي نظام غذائي متكامل فيه زنك وحديد وفوليك.
- استخدمي الشامبو على فروة راسك بشكل أساسي وتجنبي الأطراف.
- لما تجففي شعرك جففيه بالفوطة بلطف بدون عصر أو عنف.
- سيبي بعد الاستحمام شعرك يجف لوحده في الهوا وسرحيه بمشط طبيعي مناسب ليه.
13-قصي شعرك بانتظام
- قص الشعر بيزيل الأطراف التالفة والمتقصفة والمتكسرة، وبيحفز نمو الشعر.
- لكن قصه مش بيزود نمو الشعر عن المعدل الطبيعي، ده اعتقاد خاطئ منتشر عند الناس مش هيزيد غير المعدل الطبيعي للنمو بغض النظر عن عدد مرات قصه.
14-احمي شعرك وقت النوم
- استخدمي كيس مخدة من الستان أو الحرير ده هيحمي شعرك من إنه يتشابك أو يتكسر خاصة لو شعرك طويل.
- ماتناميش بشعر مبلول لأنه بيكون ضعيف وبيتكسر وهيكون شكل شعرك متقصف ومش صحي.
15- قللي التوتر
التوتر عامل من عوامل تساقط الشعر بيدخل الشعر في مرحلة الراحة بدلًا من مرحلة النمو فبيتساقط.
عشان تقللي التوتر وتحمي شعرك من التساقط جربي:
- العبي رياضة.
- التأمل.
- قراية كتاب أو مجلة.
- تناول نظام صحي متكامل.
االمصادر
اسم المصدر: Healthline
بعض الأشخاص بتلاحظ مشكلة في الشعر وهي إن نموه بيقف عن طول معين مش بيزيد عنه، أو ظهور أماكن بيكون الشعر فيها خفيف في فروة الراس، وأحيانًا كمان ممكن تلاحظي إن في جنب ممكن يطول أسرع من الجنب التاني من الشعر.
توقف نمو الشعر موضوع شائع جدًا ، وليه أسباب كتير زي لو قصيتي شعرك، في حالة بدايات مرض الثعلبة، عوامل جينية أو السن وغيرها من العوامل اللي ممكن تسبب توقف نمو الشعر.
اعرفي أهم الطرق لعلاج توقف نمو الشعر واعرفي المناسب ليكي منها.
اسم المصدر: Healthline
كلنا بنتساءل إيه ممكن يطول الشعر بشكل أسرع، هل في نظام غذائي معين ممكن نتبعه، هل في منتجات معينه نقدر نستخدمها عشان نحفز نمو الشعر بشكل أسرع، وإيه نوع العلاجات أو الأدوية اللي الطبيب ممكن يوصفها عشان يحفز نمو الشعر بشكل أسرع؟
في المقال ده هتلاقي إجابة لكل الأسئلة دي، وهتعرفي الخطوات والنصايح اللي تقدري تطبقيها عشان تطولي شعرك في وقت أسرع من المتوقع بداية من النظام الغذائي الصحي وأنواع الأطعمة الصحية للشعر والعادات الصحية اللي تقدري تمشي عليها عشان تحفزي نمو شعر صحي للوصفات المنزلية والأدوية اللي تقدري تاخديها لتحفيز نمو الشعر.
ضيفي أول ريڤيو عن “مشاكل نمو الشعر وأهم 3 طرق لعلاجها”