3 أسباب لجفاف الشعر، وأفضل طرق لعلاجه و أهم الزيوت للشعر الجاف!
من المواضيع اللي بتشغل بالنا دايمًا هو شعرنا، كلنا بنكون عاوزين شعرنا يكون تقيل وناعم وصحي وطري، بس عشان تتعاملي مع شعرك لازم تتعرفي على نوعه وطبيعته، الشعر بيتقسم لتلات أنواع زي ما احنا عارفين: جاف، دهني وعادي، اعرفي أنواع الشعر عشان تحددي إنتي أي نوع فيهم وإزاي تقدري تتعاملي مع شعرك.
إي هي أنواع الشعر؟
1- مرحلة الأناجين – ANAGEN PHASE:
ودي أول مرحلة وبتتسمى مرحلة النمو النشط للشعر وبتستمر لفترة من 2 لحد 8 سنوات.
في السيدات الحوامل، شعرهم بيكون كله في مرحلة النمو النشط، عشان كده بيكون دايمًا ملحوظ في السيدات الحوامل إن شعرهم بيبان كثيف ولامع وصحي.
- لو شكله باهت.
- لو بتلاحظي إنه بيدهن بعد يوم واحد من الاستحمام يبقى إنتي شعرك دهني.
- لو بيتساقط بشكل كبير.
- اغسليه بانتظام.
- ما تلمسيش شعرك كتير لأن الدهون هتتنقل من جلدك لشعرك.
- ما تعمليش حمام زيت، لأن ده هيزود إفراز الدهون والزيوت في فروة راسك وهيدهن ويلزق أكتر.
- استخدمي مية دافية أو باردة وقت الاستحمام لأن المية السخنة هتزود إفراز الدهون.
- ما توزعيش المرطب على فروة راسك وابعدي عن الجذور، الترطيب بيكون على الشعر بس.
2- الشعر العادي
لو شعرك عادي فإنتي أكيد شخص حظه حلو، وده لأن درجة حموضة فروة الراس بتكون متوازنة، الشعر نفسه بيكون لامع وصحي.
بيتميز إن الروتين البسيط العادي من غسيل وترطيب وحماية من الشمس هيكون كافي جدًا وهيبعدك عن مشاكل الشعر.
لكن عيب الشعر العادي إنه أقل نوع شعر شيوعًا ومش منتشر خالص.
- شعر صحي والتساقط فيه بسيط جدًا.
- مشاكله بسيطة ونادرًا ما بيتصاب بقشرة أو أي مشاكل تانية للشعر.
- كلي نظام غذائي متوازن وصحي.
- اغسلي شعرك بشامبو خالي من السلفات.
- رطبيه بانتظام.
3- الشعر الجاف
لو فروة راسك فيها غدد دهنية أقل أو معدل إفراز الدهون قليل يبقى إنتي فروة راسك جافة وشعرك جاف.
ولو بشرتك جافة شعرك هيميل إنه يكون جاف، لأن الغدد الدهنية هتكون قليلة في الجلد وفروة الراس بشكل عام، فشعرك هيكون برضو جاف.
- شعرك جاف ومجعد، وده بيحصل لما بتتعرضي للشمس أو الكيماويات زي مواد الفرد والصبغات
- نهايات متقصفة.
- شعر متكسر عند الأطراف وهيميل للتساقط بشكل كبير.
- تقدري تستخدمي حمام زيت دافي لشعرك الجاف.
- استخدمي الترطيب العميق والبلسم الليف إن.
- ابعدي عن أدوات التصفيف اللي بتوزع حرارة على الشعر زي السشوار والمكوة.
- ما تغسليش شعرك بشكل يومي لأنه بيزيل الزيوت من الشعر وشعرك أساسًا جاف فهيضره بشكل أكبر.
- استخدمي ماسكات ترطيب للشعر زي ماسك الأفوكادو واشطفيه بعد نص ساعة.
إزاي تعرفي وتتأكدي من نوع شعرك باختبار بسيط؟
اختبار نوع الشعر:
- لو بعد ما قريتي عن أنواع الشعر لسة محتارة ومش عارفة برضو إيه هو نوع شعرك؟ في اختبار بسيط تقدري تعمليه عشان تعرفي نوع شعرك عادي ولا جاف ولا دهني.
- هتجيبي منديل نضيف وتحطيه على فروة راسك لمدة ثواني، وهتعملي كده تاني يوم من الاستحمام عشان فروة راسك تلحق تفرز الزيوت وتلاحظي نسبة الزيوت في المنديل.
لو لقيتي خطوط من الزيت وبتلزق في بعضها يبقى كده شعرك دهني.
لو لقيتي بقعة زيت بس يبقى شعرك عادي
لو المنديل مالقتيش فيه أي زيوت خالص يبقى شعرك جاف.
إيه هو الشعر الجاف؟
- لشعر الجاف هو الشعر اللي بتكون فيه فروة الراس بتحتوي على نسبة قليلة من الغدد الدهنية، فبيكون إفراز الدهون فيه قليل، وبالتالي فروة الشعر بتجف والشعر طبيعته بتكون جافة.
- كمان الشعر بيتحول لشعر جاف لو مش مترطب بشكل كفاية، فهتلاقي إنه بيجف ويبهت، أو لو الشعر اتعرض لظروف قاسية زي التعرض للشمس فترات كبيرة بدون حماية أو المية السخنة وقت الاستحمام أو الشامبو والمنتجات القاسية على الشعر وغيرها، فبيحصل إن الطبقة الدهنية الخارجية للشعر بتتكسر، فالشعر بيجف وبيكون باهت ومش لامع.
- الجفاف بيحصل للجنسين رجال ونساء وبيزيد كل ما السن بيزيد.
إيه هو الشعر الجاف؟
في عوامل كتيرة بتتسبب في جفاف الشعر سواء عوامل البيئة أو عوامل صحية أو عادات غلط إنتي بتعمليها مع شعرك، اعرفي أهم أسباب جفاف الشعر عشان تعالجيها وتعتني بيه بشكل سليم.
1- البيئة
- بتخرجي في الشمس والهوا فترات كبيرة من غير حماية.
- بتمارسي السباحة، وده بيخليكي بتنزلي في مية مالحة زي البحر أو مياه فيها كلور زي البسين، والاتنين مضرين بشعرك وبيسببوا جفاف الشعر.
- لو بتعيشي في مناخ حار وجاف.
للأسف عوامل البيئة صعب تتغير إلا لو غيرتي مكان إقامتك وده بيكون صعب على معظم الأشخاص، عشان كده الأفضل ليكي إنك تحمي شعرك من عوامل البيئة المضرة ليه عن طريق:
- استخدمي سيرم يكون مدعم بعامل حماية من الشمس عشان تحمي شعرك من التلف نتيجة الخروج في الشمس
- وقت السباحة البسي كاب يعزل شعرك عن المية
- لو بتعيشي في مناخ جاف أو حار لازم تهتمي بالترطيب سواء بالبلسم أو زيوت الترطيب أو ماسكات الترطيب العميق.
2- الصحة
ناس كتير ممكن متاخدش بالها إن جفاف الشعر بيحصل نتيجة الإصابة ببعض الأمراض مش شرط بس يكون وراثي، عشان كده لو عندك مشكلة صحية لازم تعالجيها الأول أو لو مزمنة تكوني بتابعي بانتظام مع الدكتور الخاص بيكي عشان شعرك يرجع صحي.
الأمراض اللي ممكن تسبب جفاف الشعر زي:
- نقص إفراز الغدة الدرقية Hypothyroidism: بيحصل في الحالة دي إن هرمونات الثايرويد بتقل، ونتيجة لده بيحصل جفاف الشعر، وده عرض من أهم أعراض قصور الغدة الدرقية.
- مرض نقص الشهية العصبي Anorexia nervosa: وبيحصل في الحالة دي ضعف تغذية، وده بيكون ليه أثر خطير جدًا على الصحة العامة للمريض، وبيوصل للشعر وبيسبب جفاف الشعر، عشان كده لازم تروحي للطبيب المعالج فورًا، لأن ضعف النظام الغذائي هيضعف جسمك بالكامل مش بس شعرك.
- قصور الغدة الجار درقية Hypoparathyroidism: القصور ده بيسبب نقص نسبة الكالسيوم في الدم واللي بيكون ضروري لأنسجة الجسم كلها وكمان لصحة الأسنان والعظام.
- متلازمة مينكيز Menkes syndrome : المتلازمة دي بتكون مرض وراثي نادر مش منتشر، بس أصحابها بيعانوا من جفاف الشعر، وده بسبب نقص امتصاص النحاس اللي بيأثر على الشعر وبيسبب جفافه.
3- العادات
العادات الغلط اللي بتعمليها مع شعرك في العناية بيه ممكن تكون سبب كبير من أسباب جفاف شعرك وبتسبب كمان تكسيره وتقصفه، العادات دي زي:
- لو بتغسلي شعرك باستمرار بشكل مبالغ فيه أكتر من مرتين لتلات مرات أسبوعيا.
- لو بتستخدمي منتجات قاسية على شعرك سواء بلسم، شامبو أو منتجات تصفيف تكون بتحتوى على مواد مضرة بالشعر زي السلفات أو الكحول وغيرها .
- لو بتفردي شعرك سواء بالأجهزة الحرارية زي المكوة والسشوار وأجهزة عمل الكيرلي بكثرة أو لو بتفرديه بمنتجات زي الكيراتين والبروتين وغيرها.
أعراض جفاف الشعر؟
في 5 علامات للشعر الجاف:
الشعر الجاف بيكون باهت ومش بيلمع.
الأطراف المتقصفة شائعة جدًا في الشعر الجاف، وده بسبب إنه بيكون ضعيف وعرضة للتقصف والتكسير بشكل سريع نتيجة حاجات كتير زي التصفيف والاحتكاك بالفرشة، أو لو بتستخدمي أجهزة حرارية عالية زي السشوار والمكوة، أو لو بتستخدمي صبغات ومواد كيميائية.
لشعر الجاف بيكون أطرافه مش حيوية وبتحسي إنها ميتة ومش بتعرفي تتباهي بشعرك بسببها.
الشعر الجاف بيكون هش وهتحسي إنه مقطع ومتجعد من التلف.
الشعر بيتجعد نتيجة أسباب كتير أهمها الوراثة أو العوامل البيئية، لكن كمان الشعر الجاف التالف بيميل إن مظهره يكون مجعد.
إزاي الدكتور بيشخص جفاف الشعر؟
بعد ما عرفتي علامات الشعر الجاف، الأفضل إنك تتوجهي لطبيب جلدية يشخص جفاف الشعر لأنه ممكن يكون علامة لمرض أو ضعف تغذية فالأفضل تتابعي مع طبيب متخصص عشان تطمني ويوجهك للعلاج السليم.
الطبيب بيسألك مجموعة أسئلة زي:
إمتى ظهر جفاف الشعر؟
وبياخد منك الإجابات عشان يشخصك تشخيص سليم ويعمل الفحوصات اللازمة عشان يحدد السبب الرئيسي لجفاف الشعر ويعالجه.
9 طرق لعلاج جفاف الشعر
زي ما قولنا جفاف الشعر بيكون مؤشر إن ممكن يكون في مشكلة صحية أو طريقة غلط إنتي بتعمليها وإنتي بتعتني بشعرك أو طبيعة الطقس اللي إنتي عايشة فيه عامل مشكلة الجفاف، وده موضوع مزعج جدًا، بس الخبر الحلو إن في طرق عامة لو التزمنا بيها تقدري تعالجي بيها جفاف شعرك وتحافظي عليه وترجعيله حيويته مرة تانية.
1- المياه
درجة حرارة المياه وقت الاستحمام عامل مهم جدًا بيأثر على شعرك، المياه السخنة ودرجة حرارتها بتكون عالية جدًا بتحرق الشعر وبتزيل الزيوت الطبيعية اللي بتغلف شعرك وبتسبب جفافه، عشان كده الأفضل إن الاستحمام يكون بمياه فاترة بدرجة حرارة مناسبة عشان تحمي شعرك من الجفاف.
2-غسل الشعر
طالما شعرك جاف لازم تعرفي إن ماينفعش تغسليه بشكل يومي، العادة دي خاطئة ولازم توقفيها لأن الشامبو بيزيل الطبقة الدهنية الخارجية اللي بتغلف الشعر وتحميه من الجفاف وعوامل البيئة، كفاية إنك تغسليه مرتين أسبوعيًا أو لو مضطرة إنك تغسليه بشكل أكبر يكون بشامبو طبي مخصص للشعر الجاف عشان يكون لطيف على شعرك وما يتسببش في جفاف الشعر.
3-تجفيف الشعر
لو شعرك جاف يبقى لازم تجفيف الشعر بعد الاستحمام يكون بفوطة مخصصة للشعر الجاف زي الفوطة الميكرو فايبر اللي بتلفيها على شعرك فبتجففه من غير ماتسحب الرطوبة اللي في الشعر وتتسبب في جفاف الشعر.
لو بتستخدمي السشوار في تجفيف الشعر لازم توقفي استخدامه قدر الأمكان وتجففي بالفوطة المخصصة للشعر الجاف أو تسبيه ينشف في الجو بدون استخدام حرارة أو أي أجهزة قاسية على الشعر.
4- أجهزة تصفيف الشعر
زي ما وضحنا بعد الاستحمام تجنبي استخدام السشوار لأنه مضر بالشعر، كمان أي جهاز حراري زي مكوة الشعر أو أجهزة تصفيف الشعر الكيرلي الحرارية لازم تقللي استخدامها قدر الإمكان أو تتجنبيها نهائيًا لو تقدري، لأن الحرارة بتسحب الرطوبة من الشعر وبتسبب جفافه.
ولازم تستخدمي مشط لطيف على الشعر زي المشط الخشب وتتجنبي الأمشاط البلاستك في التصفيف.
5- الزيوت
و شعرك جاف، أكيد بتسألي أيه أنواع الزيوت المناسبة لشعري ومش بتسبب جفاف الشعر؟
هقولك أمثلة عالزيوت وفي الجزء الجاي من المقال هتتعرفي على كل أنواع الزيوت بالتفصيل وطرق استخدامها.
زيت الأرجان من الزيوت المناسبة للشعر الجاف، بيلمّع الشعر وينعّمه.
زيوت أساسية تقدري تستخدميها هترطب شعرك وتحميه من التساقط وريحتها حلوة لشعرك.
من أهم الزيوت المرطبة للشعر الجاف، لأنه بيملا الفراغات اللي تلفت في الشعر من الشمس وبيطريها، كمان الدراسات أثبتت إنه بيدخل في الشعر ويرطبه بعمق، تقدري تستخدميه كحمام زيت دافي على شعرك الجاف مرة أسبوعيًا وتوزعيه على فروة الشعر وأطراف شعرك بمساج لطيف وتسبيه لمدة 20 دقيقة وبعدها تشطفيه.
خليط زيت النعناع، زيت اللافندر ، زيت الجوز هند، زيت الأرجان: تقدري تعملي خليط من كل الزيوت دي وتستخدميه هتلاقي مع الوقت إنه قلل جفاف الشعر.
6-قص الشعر
7-احمي شعرك
- إنك تلبسي قبعة أو تغطيه وقت التعرض للشمس خصوصًا لو لفترات كبيرة.
- استخدمي سيرم لحماية شعرك من أضرار أشعة الشمس بمعامل حماية واسع المدى.
- لو اتعرضتي بالفعل لأشعة الشمس تقدري تستخدمي جيل الصبار عشان يعالج التلف اللي حصل.
8-النظام الغذائي
أهم عامل بيأثر في الشعر وصحته هو النظام الغذائي اللي إنتي ماشية عليه، لو نظامك الغذائي صحي وسليم ده هيكون ليه دور كبير في صحة شعرك ومظهره الحيوي، لكن لو في ضعف عام في النظام الغذائي مش بس هيأثر على صحتك العامة لكن كمان هيسبب جفاف الشعر وهيخلي مظهره باهت وأطرافه متقصفة ومتكسرة.
زي المحار، السلمون، التونة، سمك الماكريل والسردين، وده لأنها أطعمة غنية بالأوميجا 3 والببتيد اللي تلمع الشعر وتحميه كمان من التساقط.
لأنها بتقضي على الجذور الحرة اللي بتتلف شعرك وتسبب جفافه وتقصفه وتكسيره زي التوت، البروكلي، المكسرات زي اللوز، الحبوب المدعمة بمضادات الأكسدة، الأفوكادو والطماطم.
9- الفيتامينات
- الفيتامينات مفيدة للصحة بشكل عام وبتساعدك في علاج جفاف شعرك، بس لو هتاخدي أي فيتامين خارج نظامك الغذائي لازم يكون تحت إشراف طبي لأن الدكتور بيعمل التحاليل والفحوصات اللازمة عشان يعرف إيه نوع الفيتامينات الناقصة عندك، وعلى أساسه بيحدد ليكي العلاج المناسب.
- من الفيتامينات اللي هتكون مفيدة لشعرك فيتامين أ، وده لأنه بيفرز مع دهون الشعر وبيديكي لمعان لشعرك الجاف.
- فيتامين هـ وفيتامين ج وده لأنهم مضادات أكسدة فعالة هتحمي شعرك من التلف ومن الجفاف والتقصف، لأنها بتقضي على الجذور الحرة.
- فيتامين ب وفيتامين د كمان من الفيتامينات الضرورية لصحة شعرك.
- ومن العناصر الضرورية لشعرك الجاف الحديد، البروتين، النحاس والزنك.
زيوت الشعر الجاف
الشعر بيتكون من 3 طبقات مميزة، الطبقة الخارجية بتتكون من الزيوت الطبيعية اللي بتدي شعرك اللمعان والمظهر الصحي وبتحميه من التقصف.
لكن الطبقة الخارجية دي ممكن تتكسر لو مثلًا عُومتي في مية فيها كلور، لو بتخرجي كتير في طقس جاف وحار ولو بتستخدمي الصبغات ومواد الفرد كل ده ممكن يسبب في تكسير طبقة الزيوت الخارجية اللي بتخلي بعدها مظهر شعرك جاف وباهت.
علاج الشعر الجاف
غالبًا بيكون منزلي بطرق بتساعدك على تحسين مظهره بشكل سريع، استخدام الزيوت لعلاج الشعر الجاف حل سهل تعمليه في البيت، كمان الزيوت طاردة للمية، وده بيخلي سهل توزعيها على الشعر الجاف أكتر من أي نوع شعر تاني عشان بتكون نسبة الرطوبة فيه قليلة وشعرك هيستفاد منها بشكل كبير.
هنتكلم عن أنواع الزيوت المناسبة لشعرك الجاف وإزاي تستخدميها وإيه أعراضها الجانبية.
زيت جوز الهند coconut oil
زيت جوز الهند بيتيمز بإنه غني بالأحماض الدهنية من الأوميغا 3 وكمان فيتامين هـ اللي بيرطبوا ويلمعوا الشعر وفروة الراس، لأن لو فروة راسك جافة شعرك هيكون جاف وباهت.
زيت الزيتون olive oil
زيت جوز الهند بيتيمز بإنه غني بالأحماض الدهنية من الأوميغا 3 وكمان فيتامين هـ اللي بيرطبوا ويلمعوا الشعر وفروة الراس، لأن لو فروة راسك جافة شعرك هيكون جاف وباهت.
زيت الأفوكادو Avocado oil
قدري تستخدمي الأفوكادو كماسك للشعر أو كحمام زيت.
الفرق إن ماسك الشعر هتوزعيه وتسبيه على شعرك 3 ساعات وتشطفيه.
حمام الزيت هتدفيه بحمام مية دافية وهتوزعيه على شعر مبلول لمدة 20 دقيقة بس وتشطفيه.
فلو إنتي مستعجلة حمام الزيت هيكون أسرع ليكي.
زيت اللوز Almond oil
زيت اللوز غني بالأحماض الدهنية أوميغا 9، اللي مش بس بتلمّع الشعر، لكن كمان بتحفز نمو الشعر.
كمان زيت اللوز غني بفيتامين هـ والبروتين اللي بيقوي الشعر وبيمنع تكسيره وتقصفه.
الزيت المستخلص من اللوز بينعم الشعر بخواصه المنعمة وبيحمي شعرك الجاف ويرطبه.
تقدري تستخدميه في التصفيف بإنك توزعيه زي أي منتج تصفيف على شعرك وتسبيه وتركزي على النهايات والأطراف.
أو تستخدميه كماسك شعر لوحده أو تخلطيه مع زيت جوز الهند لنتايج أفضل.
زيوت ناقلة
- زيت الأرجان : بيرطب الشعر بعمق لأنه غني بفيتامين هـ والأحماض الدهنية.
- زيت الخروع : مضاد أكسدة، مضاد ميكروبات، مضاد التهابات وبيساعد في إزالة القشرة.
- زيت الجوجوبا : بيرطب الشعر لأنه غني بالفيتامينات زي فيتامين أ وب و ج وهـ وكمان غني بالمعادن المفيدة للشعر زي الزنك والنحاس.
- زيت المكاديميا : غني بالأحماض الدهنية والفيتامينات اللي بتنعّم وبتلمّع الشعر، لكن لو عندك حساسية من المكسرات ما تستخدميش زيت المكاديميا.
تقدري تستخدمي الزيوت الناقلة كخليط مع الزيوت الأساسية عشان تستفادي بيهم بأكبر قدر ، عن طريق إنك تخلطيهم مع بعض بمعدل نقطتين أو 3 من الزيوت الناقلة مع معلقة من الزيوت الأساسية وتوزعيهم على شعرك سواء مبلول أو جاف، وفي الآخر تشطفيهم بالمية بعد 10 دقايق على الأقل.
طالما ما عندكيش أي نوع من أنواع الحساسية للأنواع اللي اتكلمنا عنها من الزيوت الناقلة يبقى مافيش أي مشكلة منها.
لكن تجنبي استخدامهم بكميات كبيرة عشان ماتخليش مظهر شعرك مدهنن وملزق.
زيوت أساسية
الزيوت الأساسية هي الزيوت اللي بتيجي من النباتات بيكون معظمها مفيد جدًا للشعر ولفروة الراس.
تقدري تستخدمي الزيوت الأساسية مع الزيوت الناقلة عشان توصلي لأكبر فايدة لشعرك.
11 نوع من الزيوت الأساسية المفيدة للشعر الجاف هي:
- زيت شجرة الشاي
- زيت اللافندر
- زيت خشب الصندل
- زيت الرزوماري
- زيت الزعتر
- زيت الكلاري
- زيت الأوكاليبتوس
- زيت الجنزبيل
- زيت اليلانج يلانج
- زيت الورد
- زيت الجيرانيوم
الزيوت الأساسية تقدري تستخدميها بطريقتين:
- إنك تحطي 5 نقط منها على الشامبو والبلسم على طول زي مثلًا زيت شجرة الشاي.
- تقدري تستخدميها كخليط مع الزيوت الناقلة عشان توصلي لاستفادة أكبر لشعرك بإنك تخلطي نقط من الزيت الأساسي المفضل ليكي مع الزيت الناقل وتوزعيه على شعرك وخاصة على الأطراف اللي بتكون مجهدة جدًا في حالة الشعر الجاف وتسبيه لمدة ربع ساعة على الأقل وبعدها تشطفيه.
*في بعض الزيوت الأساسية اللي بعد ما تخلطيها بزيت ناقل تقدري تستخدميها على فروة الراس مباشرة زي زيت الروزماري أو المعروف بزيت إكليل الجبل وزيت النعناع.
دايمًا الأفضل إنك تستخدمي كميات بسيطة من الزيوت الأساسية، ويفضل تخففيها قبل الاستخدام بزيوت ناقلة لأنها بتكون مركزة جدًا وممكن تسبب ردود أفعال تحسسية.
قي زيوت أساسية لازم تخلي بالك قبل ما تستخدميها لأنه طبقًا لدراسة اتعملت سنة 2012 لقوا إنها بتسبب حساسية، الزيوت دي هي:
- زيت النعناع
- زيت اللافندر
- زيت القرنفل
- زيت الياسمين المطلق
- زيت الليمون
- زيت خشب الصندل
- زيت اليلانج يلانج
تحذيرات خلي بالك منها قبل استخدام الزيوت دي؟
- لو شعرك جاف وهتستخدمي الزيوت عشان تعالجي الجفاف، لازم ماتوزعيش كميات كبيرة من الزيت، لأن ده ممكن يتقل شعرك ويكون صعب تزيليه بالغسيل بعد كده، فكميات مناسبة هيكون أفضل.
- لو هتستخدمي واحد من الزيوت الأساسية، لازم تخففيه باستخدام زيت تاني ناقل، وماتستخدميش كميات كبيرة منه نقطتين أو تلاتة هيكون كفاية، وده لأن استخدام الزيوت الأساسية من غير ماتخففيها بزيوت ناقلة ممكن يسبب التهاب الجلد التماسي contact dermatitis اللي من أعراضه، الاحمرار، الهرش والطفح الجلدي.
نظام غذائي صحي لعلاج جفاف الشعر
عشان تحصلي على شعر صحي يبقى لازم النظام الغذائي اللي إنتي ماشية عليه يكون صحي
- مبدئيًا لازم تشربي كميات مية كافية بشكل يومي، لأنك لو أهملتي في شرب المية ده هيسبب جفاف الجلد وفروة الراس، ونتيجة لده شعرك كمان هيكون جاف، عشان كده لازم تشربي 8 أكواب مية يوميًا هتكون كافية عشان ترطبي جلدك وشعرك.
- في حاجات لازم تتجنبيها ممكن تسبب جفاف في الجسم والشعر زي الكحولات والكافيين اللي موجود في الشاي والقهوة والنسكافيه لأنهم مدرين للبول وهيسببوا جفاف.
- في أطعمة تقدري تركزي عليها هتكون مفيدة جدًا ليكي وهتساعدك عشان تحصلي على شعر صحي خالي من الجفاف.
10 أطعمة لشعر صحي خالي من الجفاف:
السلمون
الأسماك زي السلمون والسردين والماكريل غنية بالأحماض الدهنية أوميغا 3 ودي دهون صحية تقدري تحصلي عليها في النظام الغذائي بتزود لمعان شعرك، غير إنها بتحمي جسمك من الأمراض ومفيدة جدًا.
الزبادي اليوناني
الزبادي اليوناني ليه دور في نمو الشعر، لأنه غني بالبروتين اللي هو الوحدة البنائية لأطراف شعرك، كمان بيحسن الدورة الدموية في فروة الراس وده بيزود معدل نمو شعرك، كمان غني بفيتامين ب5 اللي بيحمي شعرك من التساقط وبيكون متواجد بشكل كبير في منتجات العناية بالجلد والشعر.
السبانخ
لسبانخ بتعالج شعرك الضعيف، وغالبًا شعرك الجاف هيكون ضعيف ومتقصف، السبانخ غنية بالعناصر الغذائية المفيدة لشعرك زي فيتامين أ اللي بيلمع الشعر ، الحديد، والبيتاكاروتين، الفولات وفيتامين ج، الفيتامينات دي بتعمل مع بعضها عشان توفرلك فروة راس وشعر صحي خالي من التقصف والتكسير.
الجوافة
الجوافة هتمنع تكسير شعرك، وده لأن الجوافة فاكهة استوائية غنية بفيتامين سي اللي معروف بخواصه كمضاد أكسدة فعال هيحمي شعرك من التقصف والتكسير لأنه بيقضي على الجذور الحرة اللي بتتلف شعرك.
الحبوب المدعمة بالحديد
نقص الحديد خطر جدًا على صحة شعرك لأنه هيؤدي لتساقط شعرك، وده بيكون موجود بالفعل في الشعر الجاف بسبب ضعفه، عشان كده لازم تاكلي حبوب مدعمة بالحديد زي العدس، فول الصويا، القمح والحبوب. كمان تقدري تاكلي الخضراوات الورقية الغامقة زي السبانخ والخس، واللحوم الحيوانية الغنية بالحديد زي الكبدة.
المحار
المحار بيزود كثافة الشعر لأنه غني بالزنك اللي من أهم العناصر الغذائية المفيدة للشعر وبيحمي شعرك ورموشك من التساقط، كمان تقدري تلاقي الزنك في اللحمة، الاستاكوزا، الكابوريا والحبوب المدعمة بالزنك.
الدواجن عديمة الدهون
لو مش بتاكلي بروتين بشكل كافي هتلاحظي إن شعرك نموه وقف، ومع تساقط الشعر القديم كمان هتعاني من نحفان كثافة الشعر، عشان كده لازم تركزي على إنك تاكلي لحوم غنية بالبروتين والدواجن عديمة الدهون أو اللي بتحتوي على دهون مشبعة قليلة زي الفراخ والديك الرومي هتكون إضافة كويسة لنظامك الغذائي.
القرفة
رشي قرفة على الشوفان والتوست، أو اشربيها مع اللبن لأنها مفيدة جدًا ليكي عشان بتنشط الدورة الدموية واللي بدوره بيزود نسبة الأكسجين اللي بتوصل لفروة الراس، فبيحفز نمو شعرك الجاف وبيمنع تساقطه.
البيض
البيض من الأطعمة المفيدة لكل أنواع الشعر ولازم يكون في نظامك الغذائي بشكل يومي، وده لأن البيض مش بس غني بالبروتين والحديد، كمان غني بفيتامين ب7 أو المسمى بالبيوتين، البيوتين من أهم الفيتامينات الضرورية لشعر صحي بيحفز نمو الشعر وبيحميه من التساقط وهتلاقيه موجود في كل المكملات الغذائية الخاصة بالعناية بالشعر.
البطاطا الحلوة
نصائح طبية لأصحاب الشعر الجاف
الشعر الجاف شكله بيكون مزعج جدًا، عشان كده لازم تبدئي روتين عشان تحولي شعرك الجاف الناشف لشعر طبيعي وصحي مرة تانية، واعرفي إيه العادات اللي لازم تبطليها تمامًا عشان مايجفش منك مرة تانية.
3 مراحل تقدري تعمليهم عشان ترجعي شعرك لشعر صحي مرة تانية:
1-غيري عاداتك الغلط
2-رطبي شعرك الجاف
3-اعتني بالشعر الجديد
نصائح طبية لأصحاب الشعر الجاف
- لازم تتجنبي تسريحات الشعر اللي بيكون فيها شد لشعرك زي تسريحة ديل الحصان أو الضفاير المشدودة، وده لأنها مش بس هتتسبب في تلف شعرك وجفافه، لأ كمان ممكن تتسبب في ظهور مناطق صلعاء في فروة الراس.
- لازم تراعي تسريح شعرك الجاف بلطف، لأن التسريح العنيف هيتسبب في تكسير وتقصف شعرك.
لازم تتجنبي الطرق المتلفة لشعرك عشان ترجعيه صحي مرة تانية، الطرق دي زي:
- استخدام الأجهزة الحرارية زي السشوار والمكوة الحرارية أو أجهزة تصفيف الشعر الكيرلي الحرارية.
- مواد الفرد زي الكيراتين والبروتين لأنها بتغير تركيبة شعرك وبتسبب جفافه وبتضعفه.
- الصبغات والمواد المبيضة لشعرك والهايليت بتسبب جفاف عنيف في الشعر.
- لو بتستخدمي فرشة لتصفيف شعرك الجاف، يبقى لازم توقفيها فورًا، لأنها بتسبب تقصيف الشعر وتكسيره، وده لأن الشعر الجاف بيكون ضعيف.
- بدل الفرشة استخدمي مشط لتصفيف شعرك الجاف بدلًا من الفرشة، ويُفضّل تكون المشط دي أسنانها واسعة.
- الشعر الجاف بيكون في نسبة السيبوم أو المادة الدهنية اللي بتحمي الشعر من التلف قليلة، فلما تغسليه بشكل يومي ده هيسبب في جفاف الشعر وتكسيره وتقصفه.
- وعشان كده الطريقة الصح لغسيل شعرك الجاف هي إنك تغسليه بالشامبو من مرتين لتلات مرات أسبوعيًا بحد أقصى بدل الغسيل اليومي، في الأول هتلاحظي زيادة في إفراز الدهون في فروة الراس لكن أسبوعين بالظبط وهترجع لمعدلها الطبيعي.
- في حالة إنك احتجتي تكرري غسيل شعرك الجاف بمعدل أكبر هننصحك باستخدام شامبو مخصص للشعر الجاف.
- وقت غسيل الشعر بالشامبو ما تعمليش فرك عنيف، لكن استخدمي أطراف صوابعك عشان توزعيه في شعرك وفروة الراس.
المية السخنة بتتلف الشعر لأنها بتسبب إزالة الزيوت اللي بتغلف الشعر وفروة الراس واللي بالفعل بتكون نسبتها قليلة لو شعرك جاف، عشان كده اشطفي شعرك بعد الغسيل بالشامبو بمية تكون درجة حرارتها باردة أو دافية وتجنبي استخدام المية السخنة تمامًا.
- لو إنتي من الأشخاص اللي بتستخدم السشوار في تجفيف الشعر، يبقى لازم تغيري العادة دي، لأن تجفيف الشعر باستخدام السشوار بالرغم من إنه بيبان بعده لامع وشكله صحي لكنه مع الوقت وتكرار الاستخدام بيتدمر تمامًا.
- عشان كده لازم توقفي استخدام السشوار في تجفيف الشعر والبديل هيكون الفوطة الميكروفيبر أو إنك تسيبي شعرك يجف في الهوا لحد ما ينشف.
- لو مضطرة تستخدمي السشوار يبقى لازم تستخدميه على البارد عشان تقللي الضرر اللي ممكن يحصل لشعرك الجاف.
- الشعر الجاف ليه طريقة تسريح معينة وهي إنك تسرحيه من الأطراف بالتدريج لحد ما توصلي للجذور عشان تحميه من التقصف والتكسير.
- في حالة لو شعرك متشابك يبقى لازم تساعدي في فك التشابك ده بالبلسم، وتقدري كمان تستخدمي صوابعك عشان تفكي التشابك ده.
2-رطبي شعرك الجاف
ساسيات العناية بالشعر الجاف هي البلسم بعد الشامبو، وزعي البلسم على الشعر والأطراف بعدها اشطفيه بالمية الباردة وهتتجنبي المية السخنة زي ما اتفقنا لأنها مش مناسبة خالص للشعر الجاف.
طيب لو استخدمنا البلسم والجفاف لسة مستمر هيكون إيه الحل؟
الأول هتستخدمي بلسم ليف إن، وده بيتساب على الشعر مش بيتشطف وبيدي الشعر مظهر صحي ولامع مش جاف، في حالة إن الجفاف فضل مستمر يبقى في الحالة دي هتغيري نوع البلسم وتجربي نوع جديد أنسب لشعرك.
هل البلسم لوحده كافي لترطيب الشعر الجاف؟
الإجابة هي غالبًا لأ، الشعر الجاف مش بس بيحتاج لبلسم مرطب لكن كمان هيحتاج منك جلسات ترطيب عميقة كل أسبوع، وده باستخدام بلسم عميق المفعول أو باستخدام زيت زي زيت جوز الهند، الجوجوبا أو زيت اللوز أو أي زيت من الزيوت اللي قلناها قبل كده.
البلسم عميق المفعول تقدري تعملي بيه جلسة الترطيب العميقة دي إزاي؟
- بإنك هتوزعي على شعرك البلسم عميق المفعول.
- وهتغطي شعرك لمدة ساعات أو ليلة كاملة بغطا بلاستيكي أو بكاب حراري لو إنتي مستعجلة ومش هتقدري تسيبيه على شعرك لمدة ليلة كاملة وعاوزة مفعول سريع هيكون الكاب الحراري مناسب ليكي لأنه هيساعد على تغلغل البلسم في الشعر بشكل أسرع.
- بعدها اشطفي البلسم بالشامبو لحد ماتزيلي كل البقايا وكملي روتين الاستحمام بشكل طبيعي.
- لماسكات المنزلية بتكون اختيار مناسب بسعر قليل وتقدري تعمليه في البيت من غير وقت كبير أو مجهود.
- تقدري تعملي ماسكات باستخدام العسل أو البيض أو الزبادي اللي بيطروا الشعر ويقللوا الجفاف وهيخلوا مظهر شعرك لامع وصحي.
الزيوت استخدامها بيكون مناسب جدًا لأصحاب الشعر الجاف سواء كماسك أو للتصفيف.
الأفضل تستخدمي في التصفيف الزيت كخطوة أخيرة في روتين شعرك، وده لأنه هيغلف شعرك ويقفل الأطراف وهيجمي شعرك من التقصف والتكسير، كمان هيديله مظهر صحي ولامع.
الزيوت اللي تقدري تستخدميها زي زيت اللوز، الأفوكادو، زيت جوز الهند، زيت الزيتون، الزيوت الأساسية والزيوت الناقلة تقدري تستخدميها عشان تصففي شعرك لمظهر صحي ولامع.
3-ساعدي في إنبات شعر جديد صحي
- لو عملتي مساج لفروة راسك ده هيساعد على تنشيط حركة الدورة الدموية في فروة الراس وبالتالي هيوصل كمية دم أكبر غنية بالفيتامينات اللي شعرك محتاجها عشان يلمع ويكون مظهره صحي.
- المساج بيكون باطراف صوابعك أو بأجهزة المساج لفروة الراس وبيكون لمدة 4 دقايق بحركات دائرية وده مش بس هيساعد في نمو شعر صحي لكن كمان هيساعدك على الاسترخاء وبيزيل التوتر والقلق وبيحسن من الحالة النفسية.
- اختيار منتجات العناية بالشعر موضوع مهم ليكي جدًا لو شعرك جاف، وده لأن الشامبو والبلسم اللي بتستخدميهم ممكن يكونوا هما سبب جفاف الشعر.
- لازم تختاري منتجات عناية طبية بالشعر تكون خالية من الكحول والسيليكون والسلفات.
- وده لأن الكحول بيسبب جفاف الشعر.
- السلفات بيسبب جفاف الشعر لأنه بيسبب إزالة زيوت الشعر.
- السيليكون بيتراكم مع كتر الاستخدام على الشعر وبيخلي مظهره باهت.
- الشعر الجاف سبب من أسبابه بيكون ضعف التغذية ونقص شرب السوايل والمية.
- عشان كده لازم تهتمي بشرب المية بمعدل على الأقل 8 أكواب يوميًا.
- التغذية السليمة هتخلي شعرك صحي، عشان كده لازم تهتمي بأكل الأغذية المفيدة للشعر الجاف والغنية بالفيتامينات والمعادن زي الأفوكادو، البيض، الخضروات الورقية زي الخس والسبانخ، الحمضيات الغنية بمضادات الأكسدة زي البرتقال والليمون، الأطعمة البحرية زي السلمون والمحار والجمبري.
- تجنبي الكحولات والكافيين زي الشاي والقهوة والنسكافيه لأنه هتسبب نمو شعر جاف بدل من شعر صحي ولامع، لأنها غنية بالكافيين ودي مدرة للبول وبتسبب الجفاف.
- الحماية من عوامل البيئة الخارجية هتساعد في حماية شعرك اللي نبت جديد بشكل فعال، وده لإنك تحميه من الشمس باستخدام كاب أو سيرم بمعامل حماية من أشعة الشمس عشان يحميكي من الأشعة الضارة الفوق بنفسجية.
- كمان لو بتنزلي مية حمام سباحة بتحتوي على كلور أو مية بحر فيها أملاح يبقى لازم تلبسي كاب ووتربروف يحميكي من أضرار المية.
قص الشعر بانتظام هيساعدك في إزالة الأطراف التالفة وتحفيز إنبات شعر جديد صحي.
تقدري تقصي شعرك مرة كل شهرين أو تلات شهور.
االمصادر
ضيفي أول ريڤيو عن “3 أسباب لجفاف الشعر، وأفضل طرق لعلاجه و أهم الزيوت للشعر الجاف!”