ليه الترطيب مهم لبشرتك الدهنية، وايه المرطب المناسب ليها

كل شخص منا بشرته بتنتج زيوت ودهون، بغض النظر عن إيه نوع بشرته، الزيوت دي بتحافظ على ترطيب ومرونة الجلد وبتقوي حاجز البشرة اللي بيحميها من عوامل البيئة الخارجية.

لكن لو الزيوت دي إفرازها كان أكتر من اللازم أو بتسبب لمعان البشرة باستمرار، يبقى بشرتك غالبا دهنية.

ومن أكتر الأشخاص اللي بتعاني من البشرة من مشاكل في البشرة الدهنية هما المراهقين، تقدري تعرفي أكتر عن روتين العناية بالبشرة الدهنية فترة المراهقة من هنا.

ليه الترطيب مشكلة بيواجهها أصحاب البشرة الدهنية؟

الترطيب مشكلة دايما بيواجهها أصحاب البشرة الدهنية لأنهم هدفهم الأساسي في روتين بشرتهم أنهم يقللوا إفرازات الدهون والزيوت، والترطيب العكس، هدفه أنه يحافظ على الحاجز الدهني في البشرة.

عشان كده كتير من أصحاب البشرة الدهنية بيستغنوا عن خطوة الترطيب في روتينهم، ظنًا منهم أنه بالطريقة دي هيقللوا دهون وزيوت بشرتهم، لكن ده مش حقيقي.

هل البشرة الدهنية محتاجة ترطيب؟

أيوة، بشرتك الدهنية زي أي نوع بشرة تاني محتاجة للترطيب بانتظام. على الرغم أن مشكلة البشرة الدهنية الأساسية هي زيادة إفراز الزيوت والدهون، والمرطب بيعمل في الظاهر عكس كده، لكن بشرتك برضو محتاجة للترطيب. عشان تعرفي ليه بشرتك محتاجة ترطيب، لازم تفهمي هيا بتشتغل ازاى، وايه الفرق بين الزيوت اللي بتنتجها بشرتك والترطيب.

ايه اللي بيحصل لبشرتك الدهنية لو نقص منها الترطيب؟

البشرة الدهنية محتاجة ترطيب زي أي نوع بشرة تانية، ونقص الترطيب منها بيخليها، على غير المتوقع، تكون دهنية أكتر.

ده لأن بشرتك أما ينقص منها الترطيب، بتبدأ الغدد الدهنية اللي فيها تزود إفرازاتها من الدهون كرد فعل عكسي عشان تعوض الفاقد منها وتقوي حاجز البشرة.

ده بيخليها دهنية أكتر، ومعرضة أكتر لانسداد المسام وبالتالي ظهور البثور والحبوب والرؤوس السودا والبيضا.

خدي بالك، بشرتك محتاجه الترطيب بصورة مستمرة سواء في الصيف أو في الشتا، ده لأن عوامل البيئة الخارجية زي الأتربة والطقس بتضعف حاجز بشرتك وبتخليكي تفقدي الترطيب باستمرار.

كمان المرطبات غالبا بيكون فيها مكونات مضادة للأكسدة، بتحمي بشرتك من الجذور الحرة اللي ممكن تسبب التهاب وشيخوخة وجفاف بشرتك.

ايه الفرق بين زيوت البشرة والترطيب؟

زيوت البشرة هي المادة الدهنية اللي بتفرزها الغدد الدهنية الموجودة على سطح الجلد، واللي وظيفتها الأساسية هي الحفاظ على حاجز البشرة.

الترطيب هو العملية اللي بيتم فيها امتصاص المياه في طبقات الجلد المختلفة، ووظيفتها الأساسية هي الحفاظ على نضارة ومرونة البشرة.

تراكم الزيوت والدهون في مسام البشرة ممكن يسبب ظهور الحبوب والبثور وحب الشباب، لكن ده مش معناه أبدا أن البشرة مرطبة بزيادة، أو مش محتاجه ترطيب خارجي.

عدم الترطيب الكافي للبشرة بيخليها معرضة أكتر للالتهابات والجفاف والتجاعيد، عشان كده البشرة المرطّبة هي بشرة صحية.

فوايد الترطيب لبشرتك الدهنية

هيساعدك تتحكمي أكتر في حب الشباب

البشرة الدهنية المصابة بالجفاف، إفرازات الدهون فيها بتكون أكتر من العادي. الترطيب هيساعدك تقللي من إفرازات بشرتك الدهنية، وبالتالي هيقلل من تراكم الزيوت والدهون في مسام بشرتك وهيقلل من الحبوب.

بيقلل من إحساس شد البشرة بعد الغسول

أحيانا كتير أما بتغسلي بشرتك، بتحسي أنها مشدودة شوية.

الترطيب بيقلل من إحساس الشدّة ده بعد الغسول، وبيخلي بشرتك مرنة وناعمة.

بيقوي حاجز البشرة

الغسول والتقشير في روتينك بيضروا حاجز البشرة وبيسببوا الجفاف لبشرتك، الترطيب بيقوي حاجز البشرة وبيخليها قادرة تتحمل منتجات التنظيف المختلفة الموجودة في روتين بشرتك.

بيأخر ظهور التجاعيد

البشرة المصابة بالجفاف بيظهر فيها التجاعيد أسرع من البشرة الصحية المرطبة، ده لأن الترطيب بيحافظ على بشرتك ناعمة وصافية وصحية.

أنواع المرطبات

في أنواع مختلفة من المرطبات، كل نوع منها بيشتغل بطريقة مختلفة على بشرتك:
المرطبات من النوع ده بتعتمد في فكرة عملها علىأنها بتسحب الرطوبة من الهوا وتحبسها في البشرة وبالتالي ترطبها.

المرطبات دي غالبا بتكون خفيفة وبتمتص بسرعة ومش بتسيب أي أثر دهني.

مكونات بتكون موجودة فيها

  •  حمض الهيالورونيك hyaluronic acid
  •  الجلسرين glycerin
  • العسل honey
  • الصبار aloe vera
  • لاكتات الصوديوم sodium lactate
  • السوربيتول sorbitol
  • اليوريا urea
المرطبات دي بتشتغل عن طريق أن الدهون والزيوت الموجودة فيها بتملى تشققات وفراغات البشرة، وده بيخلي مظهرها ناعم ومرطب.

كمان بتقوي حاجز البشرة اللي بيحميها من عوامل البيئة الخارجية، وغالبا بتكون في صورة كريم وبتكون مناسبة لأنواع البشرة الجافة والعادية والمختلطة وأحيانا الدهنية.

مكونات بتكون موجودة فيها

  • السيليكون silicone
  •  اللانولين lanolin
  • زبدة الشيا shea butter
  • السكوالين squalane
  • زيت بذور العنب grape seed oils
  • السيراميد ceramides
  • زيت الروز هيب rosehip
المرطبات اللي تعتمد على الانسداد Occlusive-Based

النوعية دي من المرطبات بتكون سميكة جدا وتقيلة، عشان كده هي مش مناسبة أوي لأصحاب البشرة الدهنية.

بتشتغل عن طريق أنها بتشكل طبقة كارهة للمياه على سطح الجلد وتمنع تبخر المياه وبالتالي تحافظ على الترطيب.

لو بشرتك دهنية وحاجز بشرتك ضعيف جدا، ممكن تستخدمي النوع ده من المرطبات، لكن لفترة مؤقتة بس وبعدها ممكن ترجعي للمرطب اليومي بتاعك.

مكونات بتكون موجودة فيها

  • زيت الزيتون olive oil
  • الزيوت المعدنية mineral oil
  • شمع العسل beeswax
  • اللانولين lanolin
  • البارافين paraffin
  • الفازلين petrolatum

السيكلوميثيكون Cyclomethicone

ثنائي الميثيكون dimethicone

مكونات مناسبة للبشرة الدهنية

مشتقات السيليكون زي

مكونات مناسبة للبشرة الدهنية

مشتقات السيليكون زي

السيكلوميثيكون Cyclomethicone

ثنائي الميثيكون dimethicone

طريقة استخدام المرطب

اغسلي بشرتك بالغسول المناسب لنوعها واتاكدي أنها نضيفة تمامًا.

استخدمي التونر عشان يعادل حموضة بشرتك.

استخدمي السيروم المناسب لمشكلة بشرتك.

استخدمي المرطب “كمية قد حبة اللوز” على بشرتك الرطبة، عشان تساعديه اكتر يحتفظ بالرطوبة في بشرتك.

ازاي تختاري المرطب المناسب لبشرتك الدهنية

قبل ما تختاري مرطب لبشرتك الدهنية، في حاجات يفضل تكون مكتوبة عليه زي

  1. خالي من الزيوت Oil free، عشان ميكونش تقيل على بشرتك و يسد مسامها.
  2. أساسه مائي Water-based، الأخف و الأنسب للبشرة الدهنية.
  3. مش بيسد مسام البشرة Non-comedogenic، عشان ميسدش مسام بشرتك ويخليكي تتجنبي ظهور الرؤوس السودا والبيضا.
  4. مش بيسبب حبوب Non-acnegenic، عشان ميسببش التهاب بشرتك.

ايه المكونات اللي مهم تدوري عليها في مرطب البشرة الدهنية

في مواد فعالة في المرطبات بتكون أنسب لأصحاب البشرة الدهنية زي:

فوايد حمض الهيالورونيك للبشرة الدهنية

فوايد حمض الهيالورونيك Hyaluronic Acid للبشرة الدهنية

      • يقوي الحاجز الواقي للبشرة

 

حمض الهيالورونيك Hyaluronic Acid هو مكون أساسي في أنسجة بشرتك، بيرطب الطبقات الخارجية من البشرة وبيغذيها.

كمان بيحافظ على مستويات تغذية الكولاجين والإيلاستين في بشرتك، وده بيديها مظهر صحي وبيحافظ على حاجز البشرة الواقي.

        • يقلل الخطوط الدقيقة والتجاعيد

 

حمض الهيالورونيك Hyaluronic Acid بيقلل من ظهور الخطوط الرفيعة والتجاعيد لانه مرطب قوي للبشرة. 

الترطيب القوي بيملا بشرتك، ويمنع الخطوط الرفيعة والتجاعيد.

          • مرطب قوي لبشرتك

 

جرام واحد من حمض الهيالورونيك Hyaluronic Acid بيقدر يرتبط بـ 6 أضعافه من المياه.

حمض الهيالورونيك Hyaluronic Acid بيسحب الرطوبة من الهوا وبيدخلها بشرتك، وكمان بيقلل من فقدان المياه من البشرة بسبب العمر أو التعرض للشمس أو جفاف الشتا.

            • مش بيسبب انسداد المسام

 

حمض الهيالورونيك Hyaluronic Acid غير كوميدوغينيك non-comedogenic، بمعنى أنه بيرطب بشرتك من غير ما يسد المسام.

ده بيخليه مناسب جدا لترطيب البشرة الدهنية والمعرضة للحبوب.

حمض الهيالورونيك Hyaluronic Acid

واحد من أفضل المكونات للبشرة الدهنية، لأنه بيحتفظ بالرطوبة وبيمنع بشرتك أنها تفقد المياه اللي بترطبها.

حمض الهيالورونيك Hyaluronic Acid هو جزيء سكر بيكون موجود بشكل طبيعي في البشرة، بيساعد على أن المياه تتحبس في البشرة، وده بيدي البشرة مظهر مرطّب وصافي وصحي.

حمض الهيالورونيك Hyaluronic Acid بيرتبط بالكولاجين اللي في البشرة من ناحية، ومن الناحية التانية بيرتبط بجزيئات المياه، ده بيزود ترطيب البشرة ويديها شكل ممتلىء.

فوايد حمض الهيالورونيك للبشرة الدهنية

فوايد حمض الهيالورونيك Hyaluronic Acid للبشرة الدهنية

      • يقوي الحاجز الواقي للبشرة

 

حمض الهيالورونيك Hyaluronic Acid هو مكون أساسي في أنسجة بشرتك، بيرطب الطبقات الخارجية من البشرة وبيغذيها.

كمان بيحافظ على مستويات تغذية الكولاجين والإيلاستين في بشرتك، وده بيديها مظهر صحي وبيحافظ على حاجز البشرة الواقي.

        • يقلل الخطوط الدقيقة والتجاعيد

 

حمض الهيالورونيك Hyaluronic Acid بيقلل من ظهور الخطوط الرفيعة والتجاعيد لانه مرطب قوي للبشرة. 

الترطيب القوي بيملا بشرتك، ويمنع الخطوط الرفيعة والتجاعيد.

          • مرطب قوي لبشرتك

 

جرام واحد من حمض الهيالورونيك Hyaluronic Acid بيقدر يرتبط بـ 6 أضعافه من المياه.

حمض الهيالورونيك Hyaluronic Acid بيسحب الرطوبة من الهوا وبيدخلها بشرتك، وكمان بيقلل من فقدان المياه من البشرة بسبب العمر أو التعرض للشمس أو جفاف الشتا.

            • مش بيسبب انسداد المسام

 

حمض الهيالورونيك Hyaluronic Acid غير كوميدوغينيك non-comedogenic، بمعنى أنه بيرطب بشرتك من غير ما يسد المسام.

ده بيخليه مناسب جدا لترطيب البشرة الدهنية والمعرضة للحبوب.

النياسيناميد Niacinamide

النياسيناميد Niacinamide هو مشتق فيتامين B3، بيدعم حاجز البشرة عن طريق حبس الرطوبة، وكمان بيزود معدل تجدد خلايا البشرة.

فوايد النياسيناميد للبشرة الدهنية

فوايد النياسيناميد Niacinamide للبشرة الدهنية

      • بيقوي حاجز البشرة

 

النياسيناميد Niacinamide بيساعد على نمو حاجز السيراميد Ceramide في بشرتك، ده بيساعد بشرتك تحتفظ بالرطوبة أكتر وتقدر تقاوم عوامل البيئة المختلفة.

        • بيقلل الاحمرار

 

النياسيناميد Niacinamide بيقلل من الاحمرار والالتهاب اللي بيظهر نتيجة لحب الشباب الملتهب.

      • بيقلل ظهور المسام  بيحافظ على حجم المسام طبيعية، وده بيخلي مظهر البشرة ناعمة وصافية أكتر.
            • بيقلل من إفراز الزيوت

         

        النياسيناميد Niacinamide بيتحكم في كمية الدهون اللي بتفرزها الغدد الدهنية في البشرة، وبيمنعها تنتج دهون بصورة مبالغ فيها.

              • بيحمي البشرة من أضرار أشعة الشمس

         

        النياسيناميد Niacinamide بيحمي البشرة من أضرار أشعة الشمس فوق البنفسجية، وبيعيد بناء خلايا الجلد المتضررة.

                • بيعالج التصبغات

         

        الأبحاث وجدت أن تركيز 5% من النياسيناميد Niacinamide بيفتح البقع الغامقة في البشرة بيوحد لونها في خلال 4 أسابيع.

                  • بيقلل الخطوط الرفيعة

         

        النياسيناميد Niacinamide بيقلل من الخطوط الرفيعة اللي بتظهر نتيجة التقدم في السن أو نتيجة التعرض لأشعة الشمس الضارة من غير صن بلوك.

                    • بيقلل حب الشباب

         

        النياسيناميد Niacinamide بيقلل من الالتهاب اللي بيكون مصاحب للأنواع المختلفة من حب الشباب والبثور في البشرة الدهنية.

         

فوايد حمض الجليكوليك للبشرة الدهنية


فوايد حمض الجليكوليك Glycolic Acid للبشرة الدهنية

  • بيقلل حب الشباب

البكتيريا سبب أساسي لظهور حب الشباب في البشرة الدهنية.

حمض الجليكوليك Glycolic Acid ليه تأثيرات مضادة للجراثيم، ده بيقلل من معدل انتشار العدوى والبكتيريا من مكان لمكان، وبيقلل من حب الشباب.

كمان هو بيقلل كميات الزيت اللي بتفرزها البشرة، واللي تراكمها بيسبب ظهور الحبوب والبثور.

  • بيقلل الندبات والآثار الناتجة عن الحبوب

حب الشباب أما بيزيد وحالته تسوء، ممكن يسبب ظهور ندبات في البشرة.

حمض الجليكوليك Glycolic Acid بيتخلص من طبقات البشرة الميتة الخارجية، وبيساعد أنه يحسن شكل الندبات دي ويوحد لونها.

  • بيقلل التصبغات

التصبغات بتظهر في البشرة نتيجة لأسباب كتير زي العمر، التعرض لأشعة الشمس من غير حماية، وكمان بعد حب الشباب.

حمض الجليكوليك Glycolic Acid بيقلل من تصبغات البشرة وبيوحد لونها، عن طريق أنه بيسرع عملية تجدد خلايا البشرة.

 

حمض الجليكوليك Glycolic Acid

حمض الجليكوليك Glycolic Acid مكون مهم جدا لأصحاب البشرة الدهنية، خاصة لو بشرتك معرضة لحب الشباب.

حمض الجليكوليك Glycolic Acid هو حمض ألفا هيدروكسي (AHA) بيقلل من إنتاج الزيوت الزايدة وبيمنع انسداد المسام، وبالتالي بيقلل من الحبوب في البشرة.

كمان هو بيقشر طبقة الجلد الميت اللي على سطح البشرة وبيساعدك تتخلصي منها، وده بيخلي بشرتك ناعمة أكتر.

فوايد حمض الجليكوليك للبشرة الدهنية


فوايد حمض الجليكوليك Glycolic Acid للبشرة الدهنية

  • بيقلل حب الشباب

البكتيريا سبب أساسي لظهور حب الشباب في البشرة الدهنية.

حمض الجليكوليك Glycolic Acid ليه تأثيرات مضادة للجراثيم، ده بيقلل من معدل انتشار العدوى والبكتيريا من مكان لمكان، وبيقلل من حب الشباب.

كمان هو بيقلل كميات الزيت اللي بتفرزها البشرة، واللي تراكمها بيسبب ظهور الحبوب والبثور.

  • بيقلل الندبات والآثار الناتجة عن الحبوب

حب الشباب أما بيزيد وحالته تسوء، ممكن يسبب ظهور ندبات في البشرة.

حمض الجليكوليك Glycolic Acid بيتخلص من طبقات البشرة الميتة الخارجية، وبيساعد أنه يحسن شكل الندبات دي ويوحد لونها.

  • بيقلل التصبغات

التصبغات بتظهر في البشرة نتيجة لأسباب كتير زي العمر، التعرض لأشعة الشمس من غير حماية، وكمان بعد حب الشباب.

حمض الجليكوليك Glycolic Acid بيقلل من تصبغات البشرة وبيوحد لونها، عن طريق أنه بيسرع عملية تجدد خلايا البشرة.

 

ثنائي الميثيكون Dimethicone

ثنائي الميثيكون Dimethicone هو بوليمر صناعي من السيليكون بيحسن من ملمس البشرة عن طريق أنه بيسد الفراغات بين خلايا الطبقة السطحية ليها.

فوائد ثنائي الميثيكون للبشرة الدهنية

  • بينعم البشرة

التأثير الأساسي والأقوى للمكون ده أنه بينعم البشرة وبيحسن من ملمسها من غير ما يزود إفراز الدهون فيها.

كمان هو فيه خصائص الـ Occlusive Moisturizer في أنه بيعمل طبقة مقاومة لممياه على سطح البشرة وبيحبس الرطوبة وبيمنع البشرة تفقد ترطيبها بسهولة.

  • بيقلل الخطوط الرفيعة

ثنائي الميثيكون Dimethicone بيملا الخطوط الرفيعة والتجاعيد البسيطة اللي بتظهر على بشرتك بسبب العمر، ده بيخليه يستخدم في كتير من أنواع البرايمر Primer قبل الميك أب.

  • بيقلل اللمعان

ثنائي الميثيكون Dimethicone بيدي البشرة مظهر مطفي مش بيلمع، ده بيكون مفيد جدا لأصحاب البشرة الدهنية قبل الميك أب Makeup لأنه بيخلي شكله النهائي أفضل بكتير.

عيوب ثنائي الميثيكون Dimethicone 

نظرا لأنه يعتبر من المرطبات الـ Occlusive فـ في نظرية بتقول أنه ممكن يسبب انسداد مسام البشرة الدهنية وبالتالي يسبب ظهور حبوب وبثور فيها.

مفيش أي دراسة علمية بتؤكد المعلومة دي لحد دلوقتي، لكن المكون ده زي أي مكون تاني ممكن يسبب حساسية البشرة في بعض الأحيان عشان كده يفضل تختبريه الأول على جزء صغير من بشرتك قبل ما تستخدميه.

كمان هو كمرطب Occlusive فـ ميفضلش أنه يكون مرطبك اليومي، لكن ممكن تستخدميه حسب احتياج بشرتك من الترطيب.

مكونات تجنبيها في المرطب لو بشرتك دهنية

في بعض المكونات اللي مش بتكون مناسبة لأصحاب البشرة الدهنية، لأنها ممكن تسبب انسداد المسام وظهور الحبوب.

المكونات دي حاولي تتجنبيها وانتي بتختاري مرطب لبشرتك، زي:

  • الزيوت المعدنية mineral oil
  • Petroleum
  • Petrolatum

ايه علامات الترطيب الزايد لبشرتك؟

في علامات لو لقيتيها في بشرتك الدهنية، ده معناه أنك رطبتيها أكتر من اللازم.

المسام مسدودة

المسام المسدودة هي العلامة الأشهر لزيادة الترطيب.

لو بتستخدمي مرطب تقيل على بشرتك، ده هيخلي المسام تتسد وهيبدأ يظهر في بشرتك رؤوس سودا وبيضا.

ظهور حبوب جديدة

الاستخدام الزيادة للمرطبات هيخلي يظهر على سطح بشرتك بثور جديدة.

ده لأن بشرتك بتمتص بس اللي محتاجاه من المنتج، والباقي بيتراكم على بشرتك.

الطبقة الزايدة من المنتج ده بيتعلق فيها الدهون والأوساخ والبكتيريا، اللي بتتراكم بعد كده في المسام وتسبب البثور.

زيادة لمعان البشرة

زيادة الترطيب عن المطلوب هيخلي بشرتك بتلمع بصورة زايدة عن الطبيعي.

ظهور حبوب في بشرتك تحت الجلد او حبوب صغيرة ملتهبة

الحبوب الصغيرة اللي بتظهر فجأة تحت الجلد، هيا علامة لزيادة الترطيب في البشرة واستخدام منتجات زيادة عن حاجتها.

لو ظهرت لك الحبوب دي، فـ ده معناه أنك بترطبي بشرتك زيادة عن اللزوم أو بتستخدمي مرطب مش مناسب لنوع بشرتك.

أخطاء لازم تتجنبيها وانتي بترطبي بشرتك

فرك البشرة بصورة قاسية

تدليك البشرة بالمرطب مفيد لأنه بيساعد في تنشيط الدورة الدموية وبيحسن من امتصاص المنتج.

لكن فرك البشرة الزايد عن الحد، ممكن يضر حاجز بشرتك الواقي ويخليها معرضة أكتر للعدوى من أي بكتيريا.

أنك تستخدمي المرطب بالترتيب الغلط في الروتين

عشان بشرتك تستفيد أكبر استفادة ممكنة من منتجات العناية بالبشرة المختلفة، لازم تستخدميها بالترتيب الصح.

الترتيب الصح بيكون أنك تستخدمي المنتج الأخف فـ الأتقل، ده معناه أنك تستخدمي الغسول بعده التونر Toner بعده السيروم Serum بعده المرطب والصن بلوك.

أنك تختاري مرطب غلط

لو اختارتي مرطب بيحتوي على مكونات مش مناسبة لنوع بشرتك زي العطور و البارابين Parabens والـ petrolatum، ده ممكن يسبب التهاب بشرتك وظهور الحبوب فيها.

أنك مترطبيش منطقة حول العين

المنطقة حول العين هي أول منطقة بيظهر فيها علامات التقدم في السن، البشرة في المنطقة دي بتكون رقيقة ومحتاجة ترطيب بكريمات خاصة.

عشان كده مهم يكون في روتين الترطيب بتاعك كريم عين مناسب لنوع بشرتك.

أفضل 6 مرطبات للبشرة الدهنية

نصايح عشان تحافظي على ترطيب بشرتك

  • اختاري المرطب اللي أساسه مائي أو Water based، لأنه هو الأخف والأنسب للبشرة الدهنية.
  • اختاري المرطب اللي مش بيسبب انسداد المسام أو مكتوب عليه Non-comedogenic.
  • استخدمي المرطب دايما على بشرة مبلولة شوية، ده هيخلي بشرتك تمتص المرطب أفضل وهتزود من استفادتها بيه.
  • متنسيش ترطبي رقبتك زي بشرتك.
  • متنسيش كمان ترطبي حوالين عينك، عشان تحميها من الخطوط الرفيعة والتجاعيد.

المصادر

Skinkraft

https://skinkraft.com/blogs/articles/moisturizer-for-oily-skin

البشرة الدهنية بتحتاج للترطيب باستمرار زي أي نوع بشرة تانيه. ترطيب البشرة بمعنى الحفاظ على المياه جواها بيختلف عن إفراز الزيوت والدهون من البشرة عشان يقوي الحاجز الواقي ليها. نقص ترطيب البشرة الدهنية مش بيقلل الدهون والزيوت اللي بتفرزها، بالعكس، هو بيخلي الغدد الدهنية في البشرة تقوم برد فعل عكسي وتزود الدهون اللي بتنتجها عشان تعوض الفاقد من الدهون، دا بينتج عنه بشرة دهنية ولامعة أكتر من الأول. المقال ده بيشرح أهمية الترطيب للبشرة الدهنية، وايه أنواع المرطبات، وازاي تختاري المرطب المناسب لبشرتك، والمكونات المناسبة لبشرتك الدهنية.

Moisturizers.com

https://moisturizers.com/best-moisturizer-for-oily-skin/

البشرة الدهنية من مميزاتها أنها أكتر نوع بشرة بيتأخر فيه ظهور التجاعيد والخطوط الرفيعة، ده لأن الزيوت والدهون اللي بتفرزها بتقوي الحاجز الواقي للبشرة وبتحميها من العوامل الخارجية. لكن الزيوت والدهون دي مختلفة عن الترطيب، ومش معنى أن بشرتك دهنية أنها مش محتاجة ترطيب، دا مش صحيح. أصحاب البشرة الدهنية بيحتاجوا يغسلوا بشرتهم باستمرار عشان يحافظوا على المسام نضيفة ويتجنبوا حب الشباب. الغسيل المستمر للبشرة دا بيسبب جفافها، وبيخليها دايما محتاجة للترطيب. المقال ده بيوضح ازاي تختاري المرطب المناسب لبشرتك الدهنية، وايه المكونات اللي تدوري عليها، وايه المكونات اللي تتجنبيها.

Healthline

https://www.healthline.com/health/beauty-skin-care/niacinamide

النياسيناميد Niacinamide هو صورة من صور فيتامين ب 3، وهو عنصر غذائي أساسي جسمينا بيحتاجه. النياسيناميد Niacinamide مش بس مفيد لجسمنا، لكنه كمان مفيد لبشرتنا بصورة كبيرة. المقال ده بيشرح بالتفصيل فوايد النياسيناميد Niacinamide للبشرة، وازاي تستخدميه لبشرتك وايه التركيز المناسب منه.