الطلبات
ايه افضل صن بلوك للبشرة الدهنية؟ وازاي تختاري الانسب ليكي؟
أهمية استخدام واقي الشمس
- بتسبب اسمرار البشرة. الأشعة فوق البنفسجية بتحفز البشرة على إنتاج صبغة الميلانين Melanin اللي بتخلي لون الجلد أغمق. النقطة دي هي اللي المسؤولة عن التان Tan اللي بنعمله في المصيف.
- حروق الجلد. تعريض الجلد للآشعة فوق البنفسجية لفترات طويلة بيسبب حروق مؤلمة وممكن تسيب أثر في الجلد. لأن الآشعة بتأثر على الألياف المرنة في نسيج البشرة.
- الشيخوخة المبكرة. لأن الآشعة فوق البنفسجية بتأثر على ألياف الكولاجين Collagen. فالجلد بيفقد مرونته ومعدل ظهور التجاعيد بيكون أسرع
- سرطان الجلد. للأسف، حسب تأكيد الجمعية الأمريكية للسرطان، فالآشعة فوق البنفسجية من أكبر العوامل اللي بتسبب سرطان الجلد، لأنها بتحفز خلايا الجلد على الانقسام بشكل خارج عن السيطرة.
إيه هي الأشعة فوق البنفسجية؟
- الأشعة تحت الحمراء (IR) Infrared radiation، ودي المسؤولة عن توليد الحرارة والدفء.
- الأشعة فوق البنفسجية Ultraviolet radiation (UV) ودي أشعة مش بنشوفها ولا بنحس بيها، لكنها بتوصل لينا.
لحسن الحظ، الغلاف الجوي بيحمينا من معظم الأشعة فوق البنفسجية. والجزء الباقي بيكون له فوايد زي انه بيحفز الجسم على صنع فيتامين د Vitamin D. لكن التعرض ليه بصورة مبالغ فيها بيكون ليه اضرار. فيه تلات أنواع من الآشعة فوق البنفسجية UV radiation هما:
الأشعة فوق البنفسجية ج ultraviolet C (UVC)
- طاقتها أكبر من باقي أنواع الأشعة فوق البنفسجية.
- النوع ده مش بيوصل للأرض وبيفضل عالق في طبقة الأوزون الموجودة في الغلاف الجوي.
- لأن مستحيل عمليا تمنعي التعرض للأشعة فوق البنفسجية، فضروري تلتزمي باستعمال واقي الشمس المناسب. حتى لو كنتي في الشتا والجو مغيم، ده مش معناه ان الأشعة فوق البنفسجية مبقتش موجودة!
الأشعة فوق البنفسجية ب ultraviolet B (UVB)
- طولها الموجي أقصر وطاقتها أقل.
- مبتقدرش تخترق العوازل الزجاجية، فضررها أخف، لكن هي المسؤولة عن حروق الشمس.
- بتسبب ضرر في الحمض النووي للخلايا بشكل مباشر.
- بتشكل نسبة 5% من الآشعة فوق البنفسجية اللي بتوصل للأرض.
الأشعة فوق البنفسجية أ ultraviolet A (UVA)
- أشعة مضرة جدا لأنها بتقدر تخترق العوازل الزجاجية.
- كمان بتخترق طبقة البشرة الخارجية فبتسبب ضرر عميق.
- بتسبب ضرر في الحمض النووي بطريقة غير مباشرة.
- المسؤول الرئيسي عن التجاعيد وتقدم سن البشرة.
- بتشكل نسبة 95% من الآشعة فوق البنفسجية اللي بتوصل الأرض.
إيه أنواع واقي الشمس؟ فيه نوعين من واقي الشمس
واقي الشمس الكيميائي
- بيتكون واقي الشمس الكيميائي من مركبات عضوية بتخترق الجلد وتقوم بدور الاسفنج اللي بيمتص الأشعة فوق البنفسجية.
- بتتفاعل المركبات دي مع الأشعة وبتحولها لطاقة حرارية فبتتشتت
الأشعة قبل ما توصل للجلد.
مميزات واقي الشمس الكيميائي
- تركيبته خفيفة مش سميكة فبيتوزع بسهولة وبيكون أنسب للبشرة الدهنية.
- مش بيسيب أي أثر على البشرة حتى لو اتبللت بالمياه.
- بيحمي الجلد من أشعة الشمس لفترة أطول، فـ ممكن تحتاجي تكرريه بمعدل أقل من واقي الشمس الفيزيائي.
عيوب واقي الشمس الكيميائي
- ممكن يسبب تهيج للبشرة الحساسة، فمهم تعملي اختبار حساسية على مساحة صغيرة من جلدك (في مكان تاني غير الوجه).
- بيحتاج من 20 لـ 30 دقيقة عشان فعاليته تشتغل على البشرة، فلازم توزعيه قبل ما تنزلي بوقت كافي.
- بيميل أنه يتحلل بشكل أسرع بالمقارنة بواقي الشمس الفيزيائي.
واقي الشمس الفيزيائي (أو المعدني)
- النوع ده بيعمل طبقة على الجلد بمجرد فرده، الطبقة دي بتعكس الأشعة فوق البنفسجية وتشتتها.
- منظمة الغذاء والدواء بتصرح بمادتين بس في تركيب واقي الشمس المعدني، هما أكسيد الزنك Zinc oxide وثاني أكسيد التيتانيوم Titanium dioxide
مميزات واقي الشمس الفيزيائي
- مكوناته لطيفة على البشرة ومبتسببش تهيج فيها فبتكون مناسبة لو بشرتك حساسة.
- بتبدأ فعاليتها بمجرد فردها على البشرة (أفضل فعالية بتكون في حالة استخدامه على بشرة ناشفة مش مبلوله).
عيوب واقي الشمس الفيزيائي
- بيسيب طبقة سميكة على البشرة لما بتفرديه.
- لونه ممكن يتحول للأبيض لو البشرة اتبلت (لتجنب ده، استعملي نوع ملون بلون الجلد Tinted)
- رغم انه مناسب للبشرة الدهنية، بس المبالغة في توزيعه على الجلد ممكن يسبب انسداد المسام.
- بتحتاجي توزعيه أكتر من مرة على مدار اليوم، خصوصا لو رايحة مصيف.
أشهر مكونات واقي الشمس الكيميائي
- مجموعة السينامات Cinnamates زي الأوكتوريلين Octocrylene أو البارسول Parsol MCX.
- مجموعة الساليسيلات Salicylates، زي الهوموسالات Homosalate، والأوكتيسالات Octisalate
- مجموعة البنزوفينون Benzophenones، زي الأوكسي بنزون Oxybenzone، والأفوبنزون Avobenzone
إيه معنى المصطلحات اللي بنقرأها على المنتجات الواقية من الشمس؟
- طيف واسع Broad Spectrum
- مقاومة المياه Waterproo
- معامل الحماية من الشمس SPF
- "+"
- غير كوميدوغينيك NON-COMEDOGENIC
- (+++PA)
لو مكتوب على واقي الشمس انه واسع الطيف، ده معناه انه بيقدر يحمي من أشعة الشمس فوق البنفسجية الطويلة والمتوسطة (UVA/UVB )على تصفية الأشعة فوق البنفسجية الطويلة والمتوسطة.
حسب توصيات منظمة الغذاء والدواء العالمية، فلازم وانتي بتختاري واقي الشمس بتاعك، كون مكتوب عليه انه واسع الطيف Broad Spectrum
لما تلاقي مكتوب على المنتج أنه مقاوم للمياه اعرفي انه مش هيسيح ويتمسح من على الجلد لو نزلتي البحر أو حمام السباحة (بشرط انك متمسحيهوش بإيدك).
لكن خلي بالك، حتى لو مكتوب على المنتج أنه مقاوم للمياه لمدة 4 ساعات، ولازم برضه توزعيه على جلدك كل ساعتين عشان تضمني تحافظي على نفس مستوى الحماية.
معامل الحماية من الشمس (SPF) هو مقياس بيقيس قدرة واقي الشمس على حماية للبشرة من الآشعة فوق البنفسجية قصيرة المدى UVB اللي بتسبب حروق الشمس.
بيعتمد على قياس مقدار الطاقة الشمسية (الأشعة فوق البنفسجية) اللي بتسبب حروق الشمس على الجلد المحمي ( يعني في وجود واقي الشمس). بالمقارنة بالكمية المطلوبة لإنتاج حروق الشمس على الجلد غير المحمي.
- رقم معامل الحماية معناه إن واقي الشمس بيضاعف الوقت اللي الجلد بيحتاجه لحدوث الحرق بمقدار الرقم ده، فمثلا، لو كان الوقت اللي الجلد بيحتاجه لحدوث الإحمرار هو 20 دقيقة في العادي، فـ نظريا، استخدام واقي شمس بمعامل حماية SPF 15 هيضاعف الوقت ده 15 مرة (بما يعادل 5 ساعات)، وده نظريا لكن عمليا الموضوع مختلف وهنتكلم عنه أكتر في الأجزاء الجاية من المقال.
- كل ما زادت قيمة SPF، بتزيد الحماية من حروق الشمس.
“بمعنى أنه لو عامل الحماية SPF 30، ده بيسمح بس لـ 3% من الأشعة فوق البنفسجية أنها تضر بشرتك، ولو عامل الحماية SPF50، ده بيسمح لـ 2% من الأشعة دي أنها تضر بشرتك”.
علامة الجمع معناها “أكتر من”
بالتالي لما تلاقي معامل حماية SPF50+ على منتج واقي الشمس، اعرفي انه بيوفر حماية بما يعادل معامل حماية SPF60 على الأقل.
لكن، حسب منظمة الغذاء والدواء، فمفيش أبحاث كفاية تأكد المعلومة دي.
في مجال العناية بالبشرة، هتلاحظي وجود كلمة NON-COMEDOGENIC خصوصا على منتجات العناية بالبشرة الدهنية. الكلمة دي معناها ان المنتج مش بيسبب انسداد في المسام.
ازاي المسام بتتسد لو المنتج مش مناسب؟
المسام بتتسد لو واحد أو كل المكونات اللي داخلة في تركيب المنتج لها حجم جزيئات كبير، في الحالة دي الجزيئات مبتقدرش تخترق سطح البشرة وبتتجمع في المسام.
كنتيجة طبيعية، البشرة مش هتعرف تتخلص من إفرارزاتها أو تتنفس، والبكتيريا هتتراكم على البشرة. وفي النهاية هتظهر الحبوب.
العلامة دي بتكون موجودة على بعض أنواع الصن بلوك، وهي نوع من أنواع التصنيف ظهر لأول مرة في اليابان، بنقدر من خلاله نحدد مدى قدرة الصن بلوك أنه يقدم حماية لبشرتك من أشعة الـ UVA اللي بتكون موجودة في الشمس.
أشعة الشمس فوق البنفسجية UVA مش بتسبب حروق الشمس أما نتعرض لها بنسب كبيرة، لكنها بس بتخلي الجلد لونه يغمق شوية.
ده مش معناه أنها مش مضرة، بالعكس، هيا مضرة جدا وضررها أكبر من الأشعة الـ UVB، ودا بيرجع لقدرتها أنها تخترق البشرة بعمق وتسبب ضرر في الطبقات الداخلية من البشرة من غير ما تسبب أي ألم أو حرق.
معني تصنيف PA
- PA+ : حماية بسيطة من الـ UVA
- PA++: حماية متوسطة من الـ UVA
- PA+++: حماية عالية من الـ UVA
- PA++++: حماية عالية جدا من الـ UVA
هل معامل الحماية من الشمس SPF مرتبط بوقت التعرض للشمس؟
الكلام ده مش حقيقي، لأن عامل الحماية من الشمس مش بيشير للوقت اللي ممكن نقضيه في الشمس. ده مجرد تعريف نظري لأهمية معامل الحماية.
لكن على أرض الواقع، عامل الحماية من الشمس (SPF) بيعتبر مقياس نسبي لمقدار الحماية من حروق الشمس اللي بيوفرها واقي الشمس. والحماية دي بتعتمد على كمية الطاقة الشمسية، والأشعة الضارة، اللي الجسم اتعرض ليها.
إيه العوامل اللي بتحدد كمية الطاقة الشمسية اللي بنتعرض ليها؟
برغم ان كمية الطاقة الشمسية بتعتمد على المدة اللي اتعرضنا فيها للطاقة الشمسية، لكن فيه عوامل تانية بتتحكم في الموضوع زي:
كثافة الطاقة الشمسية بتأثر على الكمية.
بشكل عام، الشمس في وقت الظهر بتكون كثافتها أعلى من أي وقت تاني في اليوم، فالجسم بيحتاج وقت أقل عشان يمتص كمية معينة من الطاقة، بالمقارنة بامتصاصه لنفس الكمية دي في وقت الصباح أو قبل الغروب.
مصر تعتبر من المناطق اللي فيها كثافة شمسية عالية، عشان كده مهم أنك تستخدمي واقي الشمس بانتظام سواء في الصيف أو في الشتا. بالإضافة لأن كثافة الشمس بشكل عام بتكون أكبر لو السما صافية عن الأيام اللي فيها الغيوم، لأن السحب بتساعد في حجب الأشعة فوق البنفسجية نوعا ما.
خلي بالك
باقي العوامل اللي بتحدد كمية الطاقة الشمسية اللي بنتعرض ليها
تكرار توزيع واقي الشمس
لأن فعالية واقي الشمس بتقل مع الوقت، تكرار توزيعه بيكون أمر حتمي، عشان تحافظي على درجة الكفاءة.
بشكل عام، هتحتاجي تعيدي توزيع واقي الشمس كل ساعتين. تكرار توزيع واقي الشمس نفسه بيتأثر بالأنشطة اللي بيقوم بيها الفرد. فمثلا، الشخص اللي في تمرين السباحة أو المصيف هيحتاج يكرر واقي الشمس أكتر، لأن المياه ممكن تغسله من على البشرة. كذلك الناس اللي بتلعب رياضة، لأن العرق الشديد ممكن يأثر على ثبات واقي الشمس.
كمية واقي الشمس المستخدم
كمية الواقي الشمسي بتأثر على كمية الإشعاع الشمسي الممتص، فكل ما زادت الكمية قل امتصاص الأشعة فوق البنفسجية.
لكن خلي بالك، متبالغيش في الكمية أكتر من اللازم لأن ده بيسد المسام وبيسبب مظهر للبشرة متشقق أو فيه تجير.
نوع الجلد
قابلية الجلد للتأثر بالأشعة فوق البنفسجية بتختلف حسب لون البشرة
ده لأن صبغة الميلانين melanin في بشرتهم بتعكس ضعف كمية الآشعة فوق البنفسجية بالمقارنة بأصحاب البشرة الفاتحة.
هل أصحاب البشرة الغامقة ممكن يستغنوا عن واقي الشمس؟
رغم أن صبغة الميلانين melanin في خلايا الجلد بتخلق عامل حماية طبيعي SPF بدرجة 13، إلا أن ده مبيغنيش عن استخدام واقي الشمس. حتى لو بشرتك لونها غامق، استخدمي واقي الشمس بشكل يومي لحماية بشرتك.
عموما، بغض النظر عن لون البشرة، فـ التوصيات الطبية بتنصح باستخدام واقي شمس بمعامل حماية SPF 30 كحد أدنى
الفرق بين عامل الحماية SPF 15 وعامل الحماية SPF 30 و عامل الحماية SPF 50
عامل الحماية SPF 15
عامل الحماية SPF 30
عامل الحماية SPF 50
مواصفات واقي الشمس المناسب للبشرة الدهنية
عشان كدة فيه مواصفات معينة لازم تدوري عليها وانتي بتختاري واقي الشمس وهي:
من المهم جداً بردو إنه يكون واسع الطيف Broad Spectrum وله معامل حماية SPF 50.
يكون قوامه سائل lotion أو جيل Gel. القوام الكريمي هيكون تقيل على بشرتك وممكن يسد المسام.
يكون مكتوب عليه انه مش بيسد المسام (غير كوميدوغينيك (non comedogenic.
يكون أساسه وسط مائي Water based وخالي من الزيوت. المكونات اللي قوامها زيتي Oil based هتسبب لمعان في بشرتك وهتزود فرصة ظهور الحبوب.
- بالنسبة لنوع واقي الشمس، فواقي الشمس المعدني عموما بيكون أنسب للبشرة الدهنية لأنه خفيف ومش بيسبب لمعان.
- أما لو هتختاري واقي شمس كيميائي، اختاري نوع يكون فيه مادة الساليسيلات Salicylate لأنها مبتسببش حبوب.
- وتجنبي الأنواع اللي فيها مواد زي السيليكا Silica والأوكسي بنزون oxybenzone والأيزودوديكان isododecane، لأن المواد دي ممكن تسبب ظهور حبوب في بشرتك، أو مواد زي PABA و الـ Trolamine salicylate لأنهم ممكن يسببوا حساسية بشرتك.
- خلي بالك، حتى لو بتستعملي ميك اب مكتوب عليه انه فيه معامل حماية من الشمس SPF، ده مش هيغنيكي عن استعمال واقي الشمس كل ساعتين. السبب هو ان نسبة الحماية اللي مستحضرات التجميل بتقدمها للبشرة مبتكونش كافية لحماية بشرتك.
ازاي توزعي واقي الشمس على بشرتك؟
استعملي ما يعادل نص معلقة صغيرة من واقي الشمس عشان بشرتك تقدر تمتصه.
استعمليه قبل ما تنزلي في الشمس بـ 15 لـ 20 دقيقة.
وزعيه بشكل مستقيم وفي اتجاه واحد، واتأكدي انه غطى كل مساحة بشرتك.
- كرري استعماله كل ساعتين، حتى لو بتستعملي ميك اب يومي.
“لو هتعيدي توزيعه فوق الميك اب، اتأكدي ان بشرتك جافة تماما من الزيوت قبل توزيع واقي الشمس”.
ممكن تستعملي واقي شمس في صورة سبراي، لأنه مش هيندمج مع الميك اب، لكن هتحتاجي تكرري توزيعه مرات اكتر لأن حمايته بتكون أقل.
طرق لحماية الجلد والبشرة من آثار أشعة الشمس
- قللي وقت تعرضك للشمس، خصوصا في الفترة بين الساعة 10 الصبح و 2 مساءً، لأن دي الفترة اللي كثافة الشمس فيها بتكون عالية أوي.
- البسي ملابس توفرلك حماية من الشمس، زي الأكمام الطوييلة والقبعات والأحذية المقفولة.
- البسي نظارة شمسية عشان تحمي محيط عينك من ضرر الآشعة فوق البنفسجية.
- استعملي واقي الشمس على كل المناطق المعرضة للشمس.
ترشيحات لمنتجات واقي شمس تناسب بشرتك:
- ANTHELIOS XL SPF 50+ SHAKA FLUID |La Roche Posay
- Vichy CAPITAL SOLEIL SPF 50 Mattifying Face Fluid Dry Touch
- BIODERMA Photoderm MAX Aquafluide SPF 50+
- Avene Dry Touch SPF 50 Fluid Fragrance-Free
المصادر
أهلا بيكي يا منى، فعلا صن بلوك لاروش الفلويد من أخف وأنسب أنواع الصن بلوك للبشرة الدهنية.