الثعلبة البقعية Alopecia areata

• مرض الثعلبة البقعية هو واحد من أمراض تساقط الشعر و هو مرض مناعة ذاتية .
• بيحصل فيه إن مناعة الجسم بتهاجم بصيلات الشعر و بتبدأ تظهر بقع صلعاء حجمها بيكون صغير أو كبير وفي بعض الحالات بيحصل تساقط للشعر كاملا .
• الثعلبة البقعية ممكن تصيب مناطق تانيه في الجسم غير الشعر ذي الحواجب أو الرموش أو غيرها .

 أناجين ايفلوفيوم Anagen effluvium

دي حالة تساقط شعر بشكل نتيجة التعرض للعلاج الإشعاعي أو العلاج الكيماوي وده مش مقلق ومش دائم لأنه بيرجع الشعر ينمو مرة تانية بمجرد ما بنوقف العلاج ده ذي حالات مرضى السرطان .

تساقط الشعر الكربي  Telogen effluvium

تساقط الشعر الكربي هو تساقط مفاجئ للشعر بيحصل نتيجة الاسباب دي 

• المرور بحالة نفسية أو صدمة عاطفية أو نفسية زي لو حصل حادثة أو لو اتصاب الشخص بمرض شديد أو خطير .
• التغير الهرموني المفاجئ زي الحمل ، والولادة ، وسن اليأس .
• سوء التغذية وتحديدا بعض الفيتامينات زي الحديد ، فيتامين ب المركب ومن أهمهم البيوتين biotin وحمض الفوليك، فتيامين د D وفيتامين اي E  .
• اضطراب في الغدد الصماء.
• لو بناخد أو وقفنا حبوب منع الحمل.
•  لو بناخد أدوية معينة زي مضادات التجلط ، أدوية الصرع ، حاصرات التجلط وأدوية الغدة الدرقية.
  ملحوظة ( معظم حالات  تساقط الشعر الكربي  Telogen effluvium بتتعالج تلقائيا بمجرد ما نعالج السبب الرئيسي نفسه وبيبدأ يرجع الشعر للحالة الطبيعية ) 

تينيا كابيتيس Tinea

وكمان بتتسمى (سعفة الرأس أو سعفة فروة الرأس) دي عدوى فطرية بتكون
أعراضها هى

• ظهور بقع صلعاء بيكون فيها قشور و المريض بيعاني من الاحمرار والهرش ومع مرور الوقت بنلاحظ إن حجمها بيزيد .
• شعر ضعيف ومتقصف .
• بنلاحظ إن فروة الراس بتكون ناشفة أكتر .
• ظهور قشور على سطح فروة الراس بتكون لونها رمادي أو أحمر غامق .

العلاج

بتتعالج عن طريق اننا بناخد أدوية مضادة للفطريات المسببة ليها .
وبمجرد ما بنعالجها بيبدأ الشعر أنه يرجع لطبيعته مرة تانية .

تساقط الشعر من الأعراض الجانبية لو بناخد واحد من أدوية كتيرة جدا اللي بنستخدمها في علاج أمراض منتشرة زي 

• أدوية منع تجلط الدم .
•  أقراص موانع الحمل .
•  أدوية الاكتئاب .
•  ومضادات الالتهاب غير الستيروئيدية ( NSAIDS ) .
• وحاصرات قنوات الكالسيوم والبيتا إلى بتنحف الشعر.
•  الأدوية اللي بتحتوي على فيتامين أ أو تناول كبسولات فيتامين أ واسمها الرتينويدات ممكن تكون  سبب في تساقط الشعر كمان.
•  أدوية العلاج الكيمياوي المستخدمة في علاج السرطان تسبب تساقط الشعر بالكامل. لكن الشعر بيبدأ ينبت وينمو مره تانية بمجرد مانوقف تناول العلاج الكيماوي أو بمجرد مانوقف التعرض للاشعاع خلال فترة علاج مرض السرطان فمافيش داعي نقلق  .

إضطراب الغدة الدرقية  Thyroid disorder

•   الغدة الدرقية دي غدة في الجسم بتفرز هرمونات والهرمونات دي بتساعد  على تنظيم كل وظايف الجسم ومن ضمنها نمو الشعر .
• بيسبب إضطراب الغدة الدرقية سواء لو كان في زيادة في إفراز الغدة الدرقية ، أو نقص في إفرازات الغدة الدرقية لتساقط الشعر وبيسموه خلل هرموني .
• بمجرد ما نبدأ نعالج اضطراب الغدة الدرقية مع الدكتور المتخصص هيقف تساقط الشعر وهيبدأ الشعر الجديد ينبت مرة تانية .

• في مقولة مشهورة بتقول إن شعرك هو ما تأكله  ( Your Hair Is What You Eat )  بمعنى إننا لو اهتمينا بنظامنا الغذائي ده هيظهر على شعرنا انه يكون صحي  بشكل واضح .
• الفيتامينات والعناصر الغذائية المهمة والبروتينات المهمة لنمو الشعر نقدر إننا نحصل عليه من خلال نظام غذائي صحي ومتوازن فيه كل العناصر الغذائية الضرورية للحفاظ والنمو السليم لشعر الراس .
• في حالة إننا ماهتمناش بالنظام الغذائي المتوازن أو اننا نمشي على نظام دايت مافيهوش كل العناصر الغذائية المتوازنة والمهمة للبشرة هيحصلنا تساقط واضح في الشعر .
• لو ماكلناش نظام غذائي متوازن هيحصلنا كمان أنيميا نقص الحديد ودي بيكون من أعراضها تساقط واضح فالشعر بسبب نقص مخزون الفيريتين ferritin في الجسم الضروري جدا في نقل الاكسجين للخلايا ومنهم خلايا الشعر واللي هيخلي الشعر يطول بشكل صحي .

الأمراض اللي بتسبب الندوب ذي مرض الحزاز المسطح ( lichen planus ) أو بعض أنواع مرض الذئبة ( lupus ) اللي بتأدي أنه يحصل ندوب بتسبب تساقط دائم في الشعر في المناطق المصابة .