أفضل 4 غسولات للبشرة الدهنية، إزاي تختاري الغسول المناسب
بشرتنا بتفرز الزيوت بصورة طبيعية من الغدد الدهنية الموجودة فيها، الزيوت دي مسؤولة أنها تحافظ على نضارة البشرة وترطيبها.
نوع البشرة بيتحدد بناء على كمية الزيوت اللي بتفرزها البشرة إلى دهنية، جافة، مختلطة، عادية. لما بتزيد إفرازات الزيوت والدهون دي من مسام البشرة، بيبدأ يظهر المظهر الدهني واللامع للبشرة.
الدهون دي كمان لو ماتمش التحكم فيها، بتبدأ أنها تسد المسام، ومع تراكم خلايا الجلد الميتة، بيبدأ يظهر على البشرة الرؤوس السودا والبثور وحب الشباب.
كمية الزيوت اللي بتفرزها بشرتك بتحددها جيناتك بنسبة كبيرة، كمان البشرة الدهنية مرتبطة بزيادة إنتاج هرمون ديهدروتستوسترون (DHT)، اللي بيزود إفراز الدهون من البشرة.
على الرغم أن البشرة النضيفة الخالية من الدهون ممكن يكون مغري، لكن مهم تفضلي فاكرة أن الهدف من كل منتجات البشرة البشرة الدهنية هو التحكم في إنتاج الزيوت مش منعها تماما.
ده لأنه لو ده حصل في الحقيقة وفعلا منعنا إنتاج الدهون تماما، بشرتك هتعمل رد فعل عكسي وهتبدأ تكون كمية أكبر من الدهون عشان تعوض الفاقد منها.
عشان كده مهم تختاري منتجات للعناية ببشرتك يكون هدفها تحافظ على نضافتها من غير ماتسببلها أي جفاف في نفس الوقت.
أسباب البشرة الدهنية
بشرتك الدهنية غالبا بتكون وراثه من حد من أفراد عيلتك، لو بشرة والدك أو والدتك دهنية، فغالبا بشرتك هتكون دهنية كذلك.
المكان وظروف البيئة اللي بنعيش فيها بتأثر بنسبة كبيرة على طبيعة بشرتنا.
في الأماكن اللي بيكون المناخ فيها حار ورطب، بتنتشر أكتر البشرة الدهنية، وبيزيد عموما إفراز الدهون من بشرتك.
كمان في فصل الصيف هتلاحظي أن بشرتك بتنتج كمية أكبر من الزيوت عن فصل الشتا بسبب زيادة درجة الحرارة بصورة ملحوظة.
مهم أنك تعدلي في الروتين بتاعك حسب حالة الطقص والبيئة المحيطة بيكي، بمعنى ممكن تستخدمي غسول قوي في الصيف مثلا، وفي فترة الشتا تستخدمي غسول ألطف أو مرطب لبشرتك لو بتجف بسبب البرد.
استخدام منتجات مش مناسبة لنوع بشرتك
بشرتك نوعها ممكن يتغير لو استخدمتي منتجات مش مناسبة لنوعها، زي مثلا لو استخدمتي منتجات للترطيب تقيله أو في صورة كريم تقيل، ممكن ده يزود من إفراز الزيوت ويخلي بشرتك دهنية أكثر.
استخدام المنتجات المناسبة لطبيعة بشرتك هيساعدك كتير تتحكمي في المشاكل اللي ممكن تقابلها.
استخدام منتجات عناية بالبشرة بصورة زايدة
استخدام الغسول لبشرتك مهم وخطوة أساسية في أي روتين للعناية بيها، لكن غسيل البشرة أو تقشيرها بصورة مبالغة ممكن أصلا يخلي بشرتك دهنية.
الغرض الأساسي من الغسول والمقشر هو تنضيف مسام بشرتك، لو غسلتي بشرتك بصورة زيادة، كده أنتي بتتخلصي من الزيوت بصورة أكتر من المطلوب.
ده هيخلي الغدد الدهنية في المسام تنتج زيوت زيادة عشان تعوض الفاقد ده، وبالتالي هتخلي بشرتك دهنية أكتر.
الصن بلوك مهم جدا عشان يحمي بشرتك من الأشعة فوق البنفسجية الضارة.
وعدم استخدامك للصن بلوك بصورة يومية وتجديده، هيخلي بشرتك جافة، و
هيخلي الغدد الدهنية عندك تنتج كمية أكبر من الدهون وهيخلي بشرتك في النهاية
دهنية أكتر.
إيه المشاكل المعرضة ليها البشرة الدهنية
المسام الواسعة
لو بشرتك دهنية، فمشكلة المسام الواسعة الظاهرة ممكن تكون من المشاكل اللي محتاجه تعالجيها في بشرتك.
وزيادة إفراز الزيوت بيخلي المسام مفتوحة وواسعة أكتر من العادي.
ممكن تعالجي ده باستخدام بعض المنتجات اللي بتعالج مظهر المسام الواسعة زي Bioderma Sébium Pore Refiner 30Ml بيوديرما سيبيوم بور ريفينير مصحح للمسام الواسعة.
حب الشباب
يمكن دي أكتر مشكلة مزعجة لأصحاب البشرة الدهنية.
حب الشباب بيظهر في الأساس بسبب زيادة إفراز الدهون من المسام، الدهون دي بتكون مكان مناسب لأن البكتيريا اللي بتسبب حب الشباب تعيش وتنمو فيه.
عشان كده مهم أنك تحافظي على نظافة بشرتك بالغسول اليومي، ومهم كمان تتأكدي أن ايدك نضيفة تماما قبل ما تستخدميها في توزيع أي منتج على بشرتك.
الرؤوس السودا والبيضا
الزيوت الزيادة اللي بتفرزها البشرة الدهنية، أما بتتأكسد في المسام، ومع وجود خلايا الجلد الميت ، بتبدأ تظهر الرؤوس السودا والبيضا.
لو بشرتك معرضة للرؤوس السودا، مهم أنك تحافظي على التقشير بانتظام، أو أنك تستخدمي غسول في مكونات مقشرة زي حمض الساليسيليك Salicylic Acid عشان يحافظ على مسامك نضيفة وخالية من الجلد الميت.
اللمعان الزيادة
Bioderma Sébium Pore Refiner 30Ml – بيوديرما سيبيوم بور ريفينير مصحح للمسام الواسعة
إيه هي وظيفة الغسول للبشرة؟
الغسول هو أول خطوة في أي روتين للعناية بالبشرة.
الوظيفة الأساسية لأي غسول هو التخلص من الزيوت الزايدة والأوساخ وبواقي الميك أب على بشرتك.
الغسول بيخلي بشرتك مستعدة للخطوات اللي بعده من الروتين،وبيزود من قدرتها على الاستفادة بالمكونات الموجودة في باقي منتجات العناية بالبشرة.
الغسول بيحتوي على حاجة اسمها Surfactants، المواد دي الجزيء بتاعها بيكون مكون من جزأين، رأس بتحب المياه وبتدوب فيها، وذيل بيحب الزيت وقادر أنه يدوبه.
اما بستخدمي الغسول، الأجزاء اللي بتحب الزيت دي بتلزق في زيوت بشرتك أو الميك أب أو الأوساخ، والأجزاء اللي بتحب المياه بتلزق في المياه.
ليه الغسول مهم للبشرة الدهنية
إزالة الأوساخ والأتربة
من الفوايد الأساسية الغسول للبشرة الدهنية، التخلص من الدهون والزيوت والأوساخ اللي ممكن تسد مسام بشرتك وتتسبب في ظهور الحبوب والبثور، خاصة لو بتخرجي بصورة يومية وبتتعرضي للأتربة كتير.
بيحافظ على ترطيب بشرتك
ناس كتير بتكون فاكرة أن البشرة الدهنية مش محتاجة ترطيب لأنها دهنية وكده كده بتفرز دهون كتير.
ده مش حقيقي، البشرة الدهنية بتكون محتاجة للترطيب زي أي نوع بشرة تانيه، لأن عدم الترطيب بيزود إفراز الدهون بصورة عكسية.
بيساعدك تعالجي الحبوب لو موجودة
الغسول بيساعد يخلي مسام بشرتك نضيفة، وبيقلل من إفراز الزيوت والدهون اللي تراكمها ممكن يسبب ظهور الحبوب والبثور على سطح البشرة.
لكن الغسول لوحده ميعتبرش علاج كامل للحبوب، إنما عامل مساعد مع باقي روتينك، ده لأنه مش بيقعد على البشرة لفترة طويلة بالدرجة الكافية عشان يعالج الحبوب.
ليه الغسول مهم للبشرة الدهنية
عشان تختاري غسول مناسب لبشرتك الدهنية مهم أنك تقري المكونات المكتوبة عليه كويس، في مواد فعالة بتكون مناسبة أكتر للبشرة الدهنية زي:
– حمض الساليسيليك Salicylic Acid
– البنزويل بيروكسيد Benzoyl Peroxide
-حمض الجليكوليك Glycolic Acid
-النياسيناميد Niacinamide
حمض الساليسيليك SALICYLIC ACID
ايه هو حمض الساليسيليك Salicylic Acid
حمض الساليسيليك Salicylic Acid هو حمض من مجموعة أحماض البيتا هيدروكسي BHA.
حمض الساليسيليك Salicylic Acid هو حمض مقشر بيتخلص من الزيوت الزيادة في البشرة وكمان من طبقة الجلد الميت الخارجية.
فوايد حمض الساليسيليك Salicylic Acid
- بيقشر البشرة
من أهم فوايد حمض الساليسيليك Salicylic Acid قدرته على تقشير البشرة.
مشاكل كتير بتظهر في البشرة بسبب تراكم خلايا الجلد الميتة عليها، حمض الساليسيليك Salicylic Acid بيقدر يخترق مسام البشرة ويدوب خلايا الجلد الميتة اللي بتسبب انسداد المسام وظهور الحبوب.
كمان بيساعد على إزالة الأوساخ والبكتيريا اللي بتتراكم على سطح البشرة، ده بيحافظ على المسام نضيفة وبيحسن من ملمس البشرة ومظهرها.
- بيقلل من حب الشباب
حمض الساليسيليك Salicylic Acid مفيد بشكل خاص للأشخاص المعرضين لحب الشباب.
ده لأنه بيقدر يفكك الروابك بين الخلايا في طبقات الجلد الخارجية، وده بيزود من قدرته على اختراق المسام وتنضيفها ومنع ظهور حب الشباب.
كمان هو يعتبر حمض محب للدهون، ده معناه أنه بيقدر يتغلغل في البشرة الدهنية وينضفها بعمق ويقلل من انتشار الحبوب.
الساليسيليك Salicylic Acid مفيد كمان في مكافحة حب الشباب بسبب قدرته على تقليل وتنظيم إفراز الدهون اللي بتكون مسؤولة بنسبة كبيرة عن ظهور الحبوب والبثور.
يقلل حمض الساليسيليك من البشرة الدهنية.
- قابض للمسام
حمض الساليسيليك Salicylic Acid حمض قابض للمسام، ده معناه أنه بيقلل من مظهر المسام الواسعة على بشرتك عن طريق أنه بيشد البشرة وبيقلل من الدهون اللي بتفرزها.
ده هيخلي بشرتك شكلها موحد وصحي أكتر.
- بيقلل من البثور السواد
حمض الساليسيليك Salicylic Acid بيقدر أنه يدخل جوه المسام ويدوب الدهون والزيوت اللي لما بتتأكسد بتظهر الرؤوس السودا على البشرة.
عشان كده هو مكون مهم جدا تدخليه في روتينك لو بشرتك بيظهر فيها رؤوس سودا أو معرضة ليها.
حاجات لازم تخلي بالك منها لو هتستخدمي حمض الساليسيليك SALICYLIC ACID
الالتزام مهم عشان تلاقي نتيجة قوية
نتايج حمض الساليسيليك Salicylic Acid مش بتظهر في يوم وليلة من استخدامه، عشان كده مهم تلتزمي بروتينك مش أقل من 6-8 أسابيع عشان تلاقي نتيجة ملحوظة.
لو استخدمتيه لمدة 90 يوم ومفيش أي نتيجة ملحوظة، يفضل تبدأي تجربي مكون جديد زي البنزويل بيروكسيد Benzoyl Peroxide أو حمض الأزيليك Azelaic Acid.
حمض الساليسيليك Salicylic Acid ممكن يعمل حرقان بسيط في البشرة لو أول مرة تستخدميه
لو أول مرة تستخدمي المكون ده، فهو ممكن يعمل حرقان أو وخز بسيط في بشرتك.
الإحساس ده بيختفي عادة في خلال 5 دقايق، وميعتبرش أبدا علامة أن المنتج فعال أو هيعمل نتيجة كويسة.
بالعكس لو الحرقان ده زاد عن الحد، ممكن تكون بشرتك حساسة للمكون ده، ولازم تغسليه ساعتها فورا.
استخدميه مع البنزويل بيروكسيد Benzoyl Peroxide لنتايج أفضل
حمض الساليسيليك Salicylic Acid بيكسر الروابط بين الدهون والأوساخ في البشرة، والبنزويل بيروكسيد Benzoyl Peroxide بيقتل البكتيريا اللي بتسبب حب الشباب.
عشان كده هما يعتبروا مادتين فعالين جدا لحب الشباب لو استخدمناهم مع بعض.
ممكن تستخدمي غسول في المكونين مع بعض أو تستخدمي غسول فيه حمض الساليسيلك Salicylic Acid وجل أو كريم فيه البنزويل بيروكسيد Benzoyl Peroxide.
البنزويل بيروكسيد BENZOYL PEROXIDE
ايه هو البنزويل بيروكسايد Benzoyl Peroxide
البنزويل بيروكسايد Benzoyl Peroxide هو مكون معروف في علاج حب الشباب.
بيشتغل عن طريق أنه بيقتل البكتيريا الموجودة تحت الجلد وبيتخلص من خلايا الجلد الميتة اللي ممكن تسد المسام وتسببلك حبوب.
يقتل البكتيريا المسببة لحب الشباب: يعالج البنزويل بيروكسايد البثور عن طريق قتل البكتيريا المسببة لحب الشباب
- بيقتل البكتيريا اللي بتسبب حبوب الشباب بأنواعها
حب الشباب بيظهر نتيجة انسداد المسام بالدهون والزيوت ووجود البكتيريا اللي بتخلي المسام دي تبدأ تلتهب ويبدأ يظهر فيها حب الشباب.
البنزويل بيروكسايد Benzoyl Peroxide بيعالج الحبوب عن طريق أنه بيقتل البكتيريا اللي بتسبب حب الشباب والبثور فيقلل من ظهورها.
- بيقلل من الزيوت الزايدة
لو بشرتك الدهنية بتعاني من اللمعان الزايد والمظهر الدهني، فاستخدام منتج فيه مادة الـ البنزويل بيروكسايد Benzoyl Peroxide هيدي بشرتك مظهر مطفي أكتر ويقلل من اللمعان المزعج ده.
- بيزود فعالية باقي المنتجات في روتينك
البنزويل بيروكسايد Benzoyl Peroxide بيقلل من تراكم خلايا الجلد الميتة في مسام بشرتك، وبالتالي هيسمح للمرطب والسيروم أنهم يتغلغلوا أكتر في مسام بشرتك وهتستفيدي منهم بصوة أكبر.
حاجات لازم تخلي بالك منها لو هتستخدمي البنزويل بيروكسايد BENZOYL PEROXIDE
- ممكن يسبب جفاف بشرتك أو تهيجها، وعشان كده مهم تجربيه على جزء صغير من بشرتك الأول قبل ما تستخدميه على وجهك بالكامل، وكمان مهم متستخدميش منه أكتر من صورة، بمعنى يا تستخدمي غسول فيه المكون ده يا كريم لكن مش الاتنين مع بعض.
- ممكن يسبب جفاف البشرة، فمهم تحافظي على ترطيب بشرتك بثورة يومية عشان تتجنبي جفافها وتقشرها.
- ممكن يقلل من فعالية فيتامين سي سيروم Vitamin C serum لو استخدمتيهم مع بعض، فيفضل تستخدميه سيروم سي في الصبح، و البنزويل بيروكسايد Benzoyl Peroxide بليل.
حمض الجليكوليك GLYCOLIC ACID
ايه هو حمض الجليكوليك Glycolic Acid
حمض الجليكوليك Glycolic Acid هو حمض ألفا هيدروكسي (AHA) بيستخدم لعلاج علامات التقدم في السن والتصبغات وحب الشباب.
هو حمض مقشر للبشرة، بيقشر خلايا الجلد الميتة من على سطح البشرة، التقشير ده بيقلل من انسداد المسام اللي بيسبب حب الشباب.
- بيعالج التصبغات اللي بتحصل في البشرة
حمض الجليكوليك Glycolic Acid بيقلل من التصبغات الخفيفة زي البقع الناتجة عن حب الشباب والنمش والكلف.
في التصبغات الناتجة عن حبوب الشباب، الغمقان بيكون في الطبقة السطحية بس من البشرة، لكن الطبقة اللي تحتها بتكون أفتح بصورة ملحوظة.
حمض الجليكوليك Glycolic Acid بيقشر خلايا الجلد الميتة الغامقة من سطح بشرتك، ويظهر الطبقة الأفتح من الجلد، ده بيوحد لون البشرة ويخليها صافية وصحية.
- بيقلل حب الشباب
حمض الجليكوليك Glycolic Acid بيقلل حب الشباب عن طريق أنه بيقشر خلايا البشرة الميتة اللي بتسد المسام وبتسبب ظهور البثور والحبوب.
- بيأخر ظهور الخطوط الرفيعة والتجاعيد
حمض الجليكوليك Glycolic Acid بيأخر من ظهور الخطوط الرفيعة والتجاعيد عن طريق أنه بيقشر الطبقة الخارجية من البشرة بعمق.
التقشير ده بيسرع من معدل تجدد الخلايا وبيزود من إنتاج الكولاجين وبالتالي بيأخر من ظهور الخطوط الرفيعة والتجاعيد.
حاجات لازم تخلي بالك منها لو هتستخدمي حمض الجليكوليك GLYCOLIC ACID
استخدميه بليل
استخدمي منتجات حمض الجليكوليك Glycolic Acid بليل بس، لأنها هتخلي بشرتك حساسة أكتر لأشعة الشمس وممكن تسببلك حساسية أو التهاب.
عشان كده يفضل تستخدميه بليل، والصبح متنسيش تستخدمي الصن بلوك وتجدديه كل ساعتين عشان تحمي بشرتك.
بلاش تقشري بشرتك زيادة عن اللزوم
حمض الجليكوليك Glycolic Acid هو حمض مقشر، فميفضلش أنك تكوني بتستخدمي منتج فيه حمض الجليكوليك Glycolic Acid وتستخدمي معاه منتجات تانية مقشرة في نفس الوقت ومن غير ما تختبريها على بشرتك.
التقشير المبالغ فيه هيدي نتيجة عكسية وهيخلي بشرتك تفرز كمية أكبر من الدهون.
اعملي اختبار حساسية قبل الاستخدام
حمض الجليكوليك Glycolic Acid من المكونات اللي ممكن تسبب حساسية للبشرة، فيفضل قبل ما تستخدميه تختبري حساسيته على جزء صغير من بشرتك الأول، ولو سببلك أي حساسية أو احمرار أو التهاب بلاش تستخدميه.
حمض الجليكوليك GLYCOLIC ACID
ايه هو حمض الجليكوليك Glycolic Acid
حمض الجليكوليك Glycolic Acid هو حمض ألفا هيدروكسي (AHA) بيستخدم لعلاج علامات التقدم في السن والتصبغات وحب الشباب.
هو حمض مقشر للبشرة، بيقشر خلايا الجلد الميتة من على سطح البشرة، التقشير ده بيقلل من انسداد المسام اللي بيسبب حب الشباب.
- بيعالج التصبغات اللي بتحصل في البشرة
حمض الجليكوليك Glycolic Acid بيقلل من التصبغات الخفيفة زي البقع الناتجة عن حب الشباب والنمش والكلف.
في التصبغات الناتجة عن حبوب الشباب، الغمقان بيكون في الطبقة السطحية بس من البشرة، لكن الطبقة اللي تحتها بتكون أفتح بصورة ملحوظة.
حمض الجليكوليك Glycolic Acid بيقشر خلايا الجلد الميتة الغامقة من سطح بشرتك، ويظهر الطبقة الأفتح من الجلد، ده بيوحد لون البشرة ويخليها صافية وصحية.
- بيقلل حب الشباب
حمض الجليكوليك Glycolic Acid بيقلل حب الشباب عن طريق أنه بيقشر خلايا البشرة الميتة اللي بتسد المسام وبتسبب ظهور البثور والحبوب.
- بيأخر ظهور الخطوط الرفيعة والتجاعيد
حمض الجليكوليك Glycolic Acid بيأخر من ظهور الخطوط الرفيعة والتجاعيد عن طريق أنه بيقشر الطبقة الخارجية من البشرة بعمق.
التقشير ده بيسرع من معدل تجدد الخلايا وبيزود من إنتاج الكولاجين وبالتالي بيأخر من ظهور الخطوط الرفيعة والتجاعيد.
حاجات لازم تخلي بالك منها لو هتستخدمي النياسيناميد NIACINAMIDE
النياسيناميد Niacinamide يعتبر مكون قوي لترطيب البشرة وتوحيد لونها وتقليل حجم مسامها.
لكن لما بستخدمه بتركيزات عالية، ممكن يسبب التهاب وتهيج
البشرة.
عشان كده يفضل تستخدميه بتركيزات قليلة (1-2%) خاصة لو أول مرة تستخدميه على بشرتك.
Avène Cleanance Cleansing Gel – آفين كلينانس غسول للبشرة
Bioderma Sébium Gel moussant – بيوديرما سيبيوم غسول للبشرة الدهنية
Dermaceutic Foamer 15 – ديرماسيوتيك فومر 15 مقشر ومنظف رغوي
االمصادر
شكرا جدا يا بسمه ع الريفيو الجميل ده
و نتمني دايما نقدملك كل مفيد من مقالات للبشرة الدهنية ❤️