الفلفل الحلو مفيد جداً للبشرة والشعر بسبب إن فيه فيتامين سي-  Vitamin C ومضادات أكسدة ضرورية لنمو الشعر وتطويله بشكل صحي.
من الأفضل ليكي في نفس النظام الغذائي تاكلي سبانخ وفلفل حلو عشان يبقى فيه مصدر قوي للحديد ومصدر قوي يساعد شعرك يستفيد من الحديد ده بسهولة.

البطاطا الحلوة مصدر طبيعي متكامل لعلاج مشاكل الشعر اللي منها الجفاف والتقصف وتساقط الشعر. وده لأنها غنية بفيتامين أ-Vitamin A اللي بيعزز إفراز الزيت الطبيعي اللي بيحمي فروة الرأس ويساعد الشعر ينمو بشكل صحي.
وبالإضافة لإنها غنية بأحماض أوميجا3 اللي بترطب الشعر و بتخليه لامع أكتر.

الجرجير يعتبر أكتر الخضروات شهرة في كونه بيعالج تساقط الشعر أو بيساعده يطول واترتب على كده إن فيه منتجات كتيرة للشعر بتتباع لمجرد إنها عبارة عن زيت جرجير طبيعي مثلاً. والحقيقة إن الجرجير فعلا مفيد جداً للشعر
زي إنه بيغذي فروة الرأس لأنه غني بفيتامين أ- Vitamin A، وبيحميها من الالتهابات لأنه غني بعناصر غذائية زي الزنك، والكبريت وبيحمي الشعر من التساقط وبيساعد على إعادة نمو الشعر وتكثيفه.

البنجر غني بـ البروتينات، والفسفور، والكاروتينات، وفيتامين ج- Vitamin C ، وفيتامين هـ- vitamin E . عشان كده بيقدر يحقق الفوايد دي وأكتر:
– تقوية الشعر من الجذور
-تعزيز الدورة الدموية في فروة الشعر.
– تحفيز خلايا نمو الشعر بالإضافة لإنه بينضف فروة الرأس من خلايا الجلد الميتة.

من المعروف إن اليوسفي مفيد لصحة الجسم عموماً بسبب إنه غني بفيتامين سي- Vitamin C، لكن الغير معروف إن اليوسفي فيه قيم غذائية كبيرة جداً للشعر ، وده لأنه فيه فيتامينات، معادن، بوتاسيوم، حديد، مضادات أكسدة، البيتاكاروتين، البيوتين وفيه فيتامين أ- Vitamin A و ب 16 اللي بيأخر ظهور الشعر الأبيض
واليوسفي مفيد للشعر لأنه بيعزز بصيلات الشعر ويقويها، وبيساعد على امتصاص الحديد بسهولة واللي بدوره بيقوي الشعر ويحميه من التساقط.

الأفوكادو ليه فوايد كتيرة جداً سواء تجميلية أو صحية. لكن فوايده للشعر هي الأهم لإنه:
– بيرطب الشعر لأنه غني بالأحماض الدهنية الأحادية الغير مشبعة ودي بدورها بتغذي بصيلات الشعر وبتقويها وبيساعد على ترطيبها.

– بيقلل من تساقط الشعر لأنه بيخلي الفروة صحية أكتر وده بالتالي بيحمي الشعر من التساقط وبيحميه كمان من أشعة الشمس الضارة.
– بيقوي الشعر لإنه غني بالبروتين، وفيتامين ب- Vitamin B.

فوايد الكيوي كبيرة جداً للشعر منها:
تحسين نمو الشعر لأنه بيحتوى على فيتامين سي اللي بيساعد على امتصاص الحديد ومضادات الأكسدة اللي بتقوي الشعر وتخليه ينمو بشكل صحي,  علاج تساقط الشعر لأنه فيه فيتامين ج- Vitamin C  وزنك وماغنيسيوم ودول بيحاربوا التساقط ويساعدوا الشعر يطول بشكل صحي،  منع الشيب المبكر لأن الكيوي غني بمضادات الأكسدة المسؤولة عن علاج مشكلة الشيب المبكر،  علاج قشرة الشعر والإكزيما وده بسبب وجود الفيتامينات والمعادن ومضادات الأكسدة وكمان بيساعدوا في ترطيب فروة الشعر ومن أهم فوايده  تكوين الكولاجين لأن الكيوي غني بفيتامين ج اللي بيساعد على تكوين الكولاجين في فروة الرأس وتحسين عملية امتصاص العناصر الغذائية بشكل أحسن.